Polîsan rêxistina HDPyî ya Wanî girewt binê ablûqa û  dekewtişê kuçeyî ke banê partîye tede yo girewt. Wekîlanê HDPyî yê Wanî verê walîtîye de semedê wedartişê qedexeyê çalakîyan çalakîya protestoyî da destpêkerdene.

Wekîla HDPyî Muazzeze Orhana ke ANFyî rê qisey kerd vat: ''Vera ablûqaya vera partîya ma û qedexeyê aktîvîte û çalakîyan ke 1600 rojî yo yeno domnayene ma tîya çalakîya protestoyî daye destpêkerdene.  Ganî walîyê Wanî vejîyo şarî rê vajo ke qedexe qedîyayo. Tîya ambargoyo ekonomîk yeno  caardene. Wan turizmî rê qefilyayo. Ma wazenê no bajar wa bibo normal. Esnaf nêeşkeno vengê xo bido eşnawitene, dezgehê komelê sîvîlî nêeşkenê eşkerayîye bidê. Partîya ma binê ablûqa de ya.  Dewkewtiş û vejîyayîşê kuçeyê banê partîya ma ameyî qefilnayene. Têna îdarekarê ma eşkenê bikewê banê partîye. Vanê ma xebera provokasyonî girwta û partîya ma krîmînalîze kenê. Ma nayî qebul nêkenê. Heta wedaritişê nê qedexeyan çalakîya ma do dewam bikero.''