Koordînasyonê PAJK'î derheqê hêrişanê Rojawanî û Demhat Agît û Cemîl Amed ê ke  Silêmanî de ameyî şehîdkerdene de eşkerayîye daye. PAJK'î Hevrîn Xelef, dayîka Aqîda ke vat heta ke Rayber Apo azad nêbe, kincanê reşan xo rê dana, şervana YPJ'yî Amaraya ke bîya hedefê hêrişan ê barbarîyan ê çeteyan, vist vîrî û pare kerd ke şehîdanê Rojawanî bi hûrmet silam kenê û keyeyanê înan rê û şarê Kurdî rê serweşîye wazenê.

PAJK'î derheqê qetilkerdişê Demhat Agît û Cemîl Amedî de ke Silêmanî de ameyî şehîdkerdene de vat "Rewşêka winasêne de ke hêrişê îşxalkê û qirkerdişan dewam kenê, dewleta Tirkî parçeyanê bînan ê Kurdistanî de zî polîtîkayê îşxalî û qirkerdişan rê dewam kena. Dewleta Tirkî ganî biazane ke hesabê nê qirkerdişan qetî bêrê persayene. Bedelê ci se beno wa bibo zî Kurdî do ser bikewê û kesêk nêeşke verê naye bigêre ke ma biresê azadîye. Şehîdê ma ke seba ke ma têkoşînê xo serfîraz bikê, ferman ê û xeyalê înan ê nêmceyî mendî, têkoşînê ma bi netîce bibe. Dewleta Tirkî ya faşîste çar parçeyanê Kurdistanî de û pêroyê cîhanî de hêriş kena serê destkewteyanê Kurdan û qirkerdişan kena ke teşîr bîye. Erdogan seba nê sucan do bêro hukmkerdene.  Şarê Kurdî têkoşînê xo do her ca de geş bike û xo ver bide. Şehîdanê xo rê, şar û nasnameyê xo rê bi hewayêkê rûmetênî wayîr bivejîye. Reyna ma şexsê embaz Cemîl Amedî û embaz Demhat Agîtî de têkoşînê azadîye, şervananê QSD'yî, YPG'yî û YPJ'yî yê ke Rojawan de xo ver danê û rûmetê xo rê wayîr vejîyenê, sivîlanê ke şehîd bîyî û domananê bêguneyan bi hûrmet yad kenî û sond wanenê ke hesabê nê qirkerdişan do bêro persayene. Xoverdayîş do ser bikewe, hesabê komplogeran do çin bibê, şarê Kurdî do azad bibê."