Koordînasyonê Partîya Azadîye ya Cinîyanê Kurdîstanî (PAJK) keyepelê xo de eşkerayîyêke daye.

Eşkerayîye wina ya:

''Sîyasetê qirkerdişî û îşxalî yê hêzanê hegemonîkan ê dinya û herême vera îradeyê şar û partîya ma hêrişanê xo dewam kenê.  Eşkera yo ke rojdemê hêzanê dinya de meseleya kurdan, îradeyê kurdan çin o. Kurdî prosesê tewr tarîxî û tehlukeyînî ra derbaz benê. Ma pê têkoşînê xo hêrişê qirkerî pûç kerdî. Serrgêra 22. ya Komployê Mîyanneteweyî de dewleta tirke hêrişê Garê jerd la pê têkoşîn û xoverdayîşê kurdan hêrişê vera Garê zî ameyî çinkerdene.

Dewleta tirke ya faşîste wazena ke armanco ke Garê de nêeşkaye bivisna destî, pê hêrişanê vera Rayberîye bivisna destî. Aseno ke xeberê derheqê weşîya Rayberê Şarê Kurdî destpêkê şerêkê bêpeynî û xorinî yo. Pê nê xeberan şerêko bêagêrayîş û bêkontrol dîyeno destpêkerdene. Hînî sînorê nê şerî nêmendî.

Ganî ma nê şerê dewleta faşîstî bizanê. Hînî semedê kurdan têkoşînêkê hemparî û çetinî ra ber rayîrêkê azadîye nêmendo. No şer şerê pêro kurdan o. Hînî Kurdîstan de rojdemêko bîn nêeşkeno verê nê xeberan û rojdemî bigêro. Ma sey PAJKî qerardar ê ke nê prosesî de şarê xo reyde têkoşînê azadîye bikerê.

Heta ke ma nê şerî de ser nêkewê û azadîya Rayberê xo nîyarê ca ma do nêvinderê. Ganî her kes bi qerardarî şer bikero.

Nê esasî ser o sere de cinî û ciwanî ma venga şar û komelê xo kenê ke seba wayîrvejîyayîşê Rayber Apoyî vejîyê meydanan. Ma venga dost û heskerdoxanê Rayber Apoyî yê dinya, venga şorişgêr, demokrat, femînîst û roşnvîran dana ke wayîrê Rayber Apoyî vejîyê. Nê şerî de wa her kes mesuldarîya xo bîyaro ca.''