Koordînasyonê Partîya Azadîya Cinîyan a Kurdîstanî (PAJK) bi wesîleya roşanê Newroze mesajêk da.

Mesaj wina yo:

''Ma Roşanê Newroze yê Rayberîye, şexsê Kawayê Modernî Mazlûm Doganî de Newroza şehîdanê şorişê Kurdîstanî fîraz kenê û pêro şehîdanê xo bi minet û hûrmetî yad kenê. Ma Newroza pêro şarê xo û şaranê Rojhelatê Mîyanênî û merdimîye fîraz kenê. Cinîyê ke seserra 21. de rayberîya şorişê cinîyan kenê û seba azadîya Rayber Apoyî xo ver danê, têkoşîn berz kenê, ma înan fîraz kenê. Ma do qetî Newroza 2021î bikerê Newroza azadîya Rayberê Apoyî. Ma pê ruhê xoverdayîşê Garê sozê ney danê şar û Rayberê xo.

Kurdîstan de kulturê xoverdayîşî tarîxî ra heta têgêrayîşê Apogîran tim bîyo tradîsyonêk. Nê erdê kahanî yê şaran de roşanê Newroze bi hezaran serran bîyo roşanê tradîsyonelî yê polîtîkî. Hezaran serrî verî vera zulmê Dehaqan adirê Newroza şaranê Arî hêverî koyê Garê de ame tavistene. Ewro vera Dehaqanê modernan reyna Garê de adirê xoverdayîşî geş bi. Tewiro xoverdayox ê şaranê Rojhelatê Mîyanênî ewro Kurdîstan de pê fikr, felsefe û qerardarîya Rayber Apoyî newe ra yeno ronayene. Na raştîye newe ra ruhê Newroze gandar û mende kena.

Rayber Apoyî têkoşîn û rayraşîyayîşê azadîye de newe ra kulturê xoverdayîşî û rıhê Newroze gandar kerdî. Tewirê Rayber Apoyî, rayberîya cinîyan de têkoşînê şarê ma bedelê giranî dayî û raştîya xo îsbat kerde. Raştîya Newroze bawerî û raştîya xoverdayîşê vera zulmî ya. Têgêrayîşê Apogîran nê bingeyî ser o ronîya. Serra 1982î de çalakîya Mazlûm Doganî, serra 1990î de çalakîya embaze Bêrîvane û çalakîyê embazan ê bînan bîyî konê neweyî yê Newroze û kulturê xoverdayîşî. Nê kulturî qetî astengî nêşinasnaye. Emser zî serrgêra Komployê Mîyanneteweyî de meşaleya adirê Newroze Garê de hetê 15 embazan ra ameye tavistene.

Ma sey têgêrayîş, milîtan û kadroyanê xeta Rayber Apoyî, sey cinîyan û şarî wextêkê çetinî yê têkoşînî de Newroze pêşwazî kenê. Nê rojan de ke medyaya komelkîye de derheqê weşîya Rayberê ma de tay îdîayî weşanîyayî, rewşe rewşêka normale nîya. Cû, weşî û estbîyayîşê Rayber Apoyî estbîyayîşê ma û şarê ma yo. Ganî vera faşîzmê AKP-MHPyî û hêzanê komplogeran tewirê xo bimojnê. Ganî ma vera sîstemê Îmraliyî morê xo bidê binê Newroze ro. Tewirê têkoşînî yê cinîyan ê 8ê Adare temsîlê cewher û ruhê Newroze yo û nîşaneya perwerîya seba Rayber Apoyî ya. Mesuldarîya tarîxî ya kurdan a ke pê ruhê hemleya Wextê Azadîye ruhê Newroze biciwîyê û pê ruhê xoverdayîşê Rayber Apoyî bihêrîkê waranê Newroze. Ma do nê esasî ser o azadîya Rayber Apoyî bîyarê ca.

Ma reyna roşanê Newroze fîraz kenê, şexsê şehîdanê menga Adare de pêro şehîdanê xo bi minetdarî yad kenê. Ma sey teqîbkerdoxanê xeta Rayber Apoyî û embazanê dewaya şehîdanê têkoşînî soz û qerardarîya xo ya seba berzkerdişê xeta têkoşîn û xoverdayîşî dibare kenê.''