Koordînasyonê PAJKî seba serrgêra 38. ya Xoverdayîşê Rojeyê Mergî yê Pîlî yê 14ê Temmuze eşkerayîyêke daye û kadroyê rayberî yê PKKyî Mehmet Hayrî Durmuş, Kemal Pîr, Akîf Yilmaz û Alî Çîçek ê ke 14ê temmuze de dest pê rojeyê mergî kerd, yad kerdî.

Eşkerayîya PAJKî wina ya:

''Kemalan, Xeyrîyan, Akîfan û Mazlûman 14ê Temmuze de pê bedenê xo xo ver da û tarîxê şorişê Kurdîstanî derbazê safhayêka newîye bi. Alaya xoverdayoxanê rojeyê mergî ya 14ê Temmuze hetê Rayber Apoyî ra vurîyaye çalakîya xoverdayîşî ya 15ê Tebaxe. Ma şehîdanê xo yê têkoşînê azadîye şexsê şehîdanê Xoverdayîşê Rojeyê Mergî yê Pîlî yê 14ê Temmuze de bi mînet yad kenê.

Darbeya leşkerîye ya 12ê Êlule welat de prosesêko newe da destpêkerdene. Erdogan û rejîmê AKP-MHPyî yo ke îdîa kenê serekê nê tradîsyonê faşîstî yê, hedef kenê pêro herême de serwer bibê. Wazenê ke sere de Kurdîstan, Tirkîya, Sûrîye, Yemen, Lîbya û Qibris de pêro welatan de îhvan rêxistin bikerê û xeyaşê Osmanijan pê polîtîkaya îhvan-i muslîmîn bîyarê ca. 

Hedefê dewleta tirke de çîyê ke 12ê Êlule de ser nêkewtê, estê. AKP ewro hem erdê Kurdîstanî îşxal keno hem zî bedenanê cinîyan îşxal keno. Wexto ke nê hêrişê Vakur û Başûrê Kurdîstanî kenê heman wextî de cînayet, tecawuz, şîdet û îstîsmarê domanan û cinîyan zêdîyenê. Wazenê Peymana Îstanbulî ya ke heqanê cinîyan pawena batal bikerê. Ganî cinîyî xo vîrî ra nêkerê ke wexto ke ma erd, aw, hewa û keda xo pawenê, ma do bieşkê ke wayîrê xoverdayîş û azadîya xo zî vejîyê.

Faşîzm pê konseptêkê cîyayî hêriş keno. Wexto ke hêrişê Heftanînî keno heman wextî de wazeno Peymana Îstanbulî zî batal bikero. Pê qetilkerdişê pezkovîyanê Dêrsimî Rîze de zî heywanan qetil keno. Awa Çemê Firatî gêno, şarê Rojawanî bêawe verdeno. Rejîmê AKP-MHPyî dişmenê tarîx, komel, cinî, komel û pêro xoza yo.

Darbeya faşîste ya 12ê Êlule îdîa kerdêne ke  hucreyanê Zîndanê Amedî de pêro destûr û qanûnî înan bira ci dayî. La cunta nêeşkîya nê xoverdayoxan teslîm bigêra. Kemalan, Xeyrîyan, Akîfan û Mazlûman dêsê Zîndanê Amedî yê Esad Oktayî rijnayî, tarûmar kerdî û vurnayî raştîye.

Ma sey cinîyanê kurdan pê ruhê xoverdayîşî yê Kemalan, Xeyriyan, Akîfan, Mezlûman, Sarayan vera faşîzmî têkoşîn kenê. Ma zanenê ke tarîxê komelan hetê cinîyan ra do bêrê nuştene. Ma do vera îşxalkeran erd, aw, xoza, hewa û xo do bipawê û xo ver bidê. Xoverdayoxanê Rojeyê Mergî yê Pîlî yê 14ê Temmuze rayîrê azadîye mojna ma.

Ma sey Partîya Azadîya Cinîyan a Kurdîstanî şexsê şehîdanê Rojeyê Mergî yê Pîlî yê 14ê Temmuze de pêro şehîdanê azadîye bi rêzdarî û perwerîyêka pîle yad kenê. Ma sozê xo yê seba azadîye newe kenê.''