Koordînasyonê PAJKî bi eşkerayîyêka nuştekîye serrgêra 39. ya Hemleya 15ê Tebaxe fîraz kerde. Eşkerayîye wina ya:

''Ma şexsê Fermandarê Efsanewîyî embaz Egîdî de pêro şehîdanê şorişî bi minet û rêzî yad kenê. Hemleya 15ê Tebaxe vera înkarî redkerdiş, vera zulmî xoverdayîş û vera qirkerdişî bi îrade bîyayîş o. Serkêşîya Fermandar Egîdî de guleyê verênî têkoşînê azadîya Kurdîstanî aferna, cinîyî resnayî şorişî û dewletê neteweyîyî û sîstemê serdestî kokê nînan ra lerznayî.

Hemleya 15ê Tebaxe bi xoverdayîşêkê pîlî dekewena serra 40ine. Gerîlayî pê çalakîyanê selamkerdişê serra 39. qerardarîya serkewtişî mojnenê. Ma xoverdayîşê gerîlayanê YJA-Starî û HPGyî selam kenê ke rayîrî nêdanê dişmenî. Gerîlayê ke pê tecrubeyanê 39 serran xo newe kenê û pê taktîkanê zengînan xo ver danê, hêvîyê azadîye yê merdimatî yê.

Têkoşînê ma bi hemleya gerîlayan dekeweno serra 40. û nê têkoşînî de mîras û vîrameyîşê şehîdanê ma Kurdîstanî de kok da. Xeta 15ê Tebaxe hişmendîye daye cinîyanê Kurdîstan û Rojhelatê Mîyanênî, şorişê komelî roşnî kerd. Îradeyê 15ê Tebaxe Kurdîstan de tewirê cuya azade yo newe yo. 

Senî ke Hemleya 15ê Tebaxe rolêko tarîxî kay kerdo ewro zî xoverdayîşê gerîlayan wayîrê rolêkê sey hemle yo. Gerîlayanê fedayîyan şarêko fedayî aferna. No xoverdayîş mewzîyanê gerîlayan ra vejîya û bi kerdoxê şorişê şarî. Ewro vera îqtîdaranê netewe-dewletan, vera kapîtalîzmî her wextî ra zafêr şensê şaran est o ke ser bikewê. Seke Rayber Apoyî vatbi: 'Xoverdayîş temam bi, nika dore dora xelisîyayîşî ya.' Şîdetê hêrişan çendek beno wa bibo ma do bi bawerîya azadîye û qerardarîya têkoşînî xo ver bidê, xo rêxistin bikerê û hêzanê qirkeran ê faşîstan bin bivisnê. Nê esasî ser o erkê ma yo esas o ke hemleya xo ya şorişgêre bi armancê azadkerdişê Rayber Apoyî ser bivisnê.

Ma Roşanê 15ê Tebaxe yê pêro şarê ma û hemrayanê xo fîraz kenê.''