Leşkerê tirkî xîret kenê Girê FMyî ra xo verdê cêrî la bi çalakîya gerîlayan panîk benê û remenê. Pêrîşanîya leşkeranê tirkan bi kameraya gerîlayan ameye girewtene.

Dîmenan de aseno ke waranê Girê FMyî û Girê Hekarî de wexto ke gerîlayî guleyan varnenê, leşkerê tirkî kewenê panîk û remenê.

Şerê Girê Hekarî, Girê Cûdîyî û Girê FMyî yê Awa Zê de artêşa tirke xeylêk kişteyan dana. Rojawanê Awa Zê de çalakîyanê gerîlayan ê vera artêşa tirke ya îşxalkere de, heta nika 2 helîkopterî ameyî pirodayene û dest nîya xeylêk malzemeyanê leşkerîyan ser. 

Rixmo ke nasnameyê tay leşkeranê cezakerdeyan ameyî eşkerakerdene, artêşa tirke heta nika eşkerayîye nêdaye.

Xeylêk reyî dîmenan de ame dîyene ke leşkerê tirkî herêmanê gerîlayan ra remenê.

Dîmenanê neweyan de zî aseno ke gama ke leşkerê tirkî warê Girê FMyî de xo verdenê mîyanê wanî hêrişê gerîlayan dest pêkena. Leşkerê tirkî ke nêeşkenê cewab bidê gerîlayan bi panîkêkê pîlî newe ra ver bi girî remenê.Warê Girê Hekarî de dima ke gerîlayan fîşekan teqnenê, leşkerê tirkî kewenê panîk.