Komêka parlamenteran a Başûrê Kurdistanî ra veng da Parlamento ke lezabez seba bi rojdemê Rojawanî kom bibe. Bi waştişê parlamenteran ewro parlamento kom bi, wekîlê YNK'yî; Osman Sederîyî vat ê amade yê ke seba Rojawanî şer bikê. Başûrê Kurdistanî de tewirê verba îşxalkarîya qirkere ya Tirkî yê serê Kurdistanî (Rojawan) her ke şinê geşêr benê.

 'Ganî parlemento lezabez kom bibe'

Hetkarê Serekê Komîsyona Pêşmerge û Asayîşê Herême ya Parlamentoyê Kurdistanî û Wekîlê YNK'yî Osman Sederî komêka parlamenteran reyde vat seba ke munaqeşeyê hêrişanê îşxalkaran ê qirkeran bikê Parlamentoyî rê veng da ke lezabez kom bibe.Sederî vat ganî Parlamento serê na babete de qerarêko girîng bide û dewam kerd: "Çunke qet sedemêko heqdar ê hêrişanê Tirkîya yê serê Rojawanî çin o. Şermezarkerdiş bes nîyo. Parlamento seba ke hêzê bierşawe Rojawan, ganî qerar bide. Ez amade yo ke Rojawa de şer biko."

 PDK: Seba Rojawanî Ganî Tewirêko Hempar Bibo

Serekê Koma PDK'yî Omîd Xweşnavî vengdayîşê kombîyayîşo lezabez ê parlamenteran rê cewab da û vat, ganî parlamento goreyê qanûnan tê bigêre, Rojawan de tewirêko hempar parbe bike. Partîye têna rayîrêk nîyo ke Parlamento bi rojdemê Rojawanî kom bibe, Têgêrayîşê Goranî, Komeleya Îslamî, Îslamî Yekgirtû parbe kerd ke înan kombîyayîşo lezabez ê bi rojdemê Rojawanî veng da.