Paştdayîşo ke Şaredarîya Armûşî ya HDP'yî da citkaranê Wanî, keyfê înan ano. Cayê 750 donimî ra mehsulê bikalîteyî ameyî girewtene.

Qezaya Rêya Armûşî ya ke qezaya tewr pîle ya Wanî ya, çimeyo bingeyên ê debarî yê şarî ramitiş û heywankarî yo. Sey şarîstananê bînan krîzê ekonomîyî Rêya Armûşî de zî xo mojnayo. Zafê citkarî nêeşkenê mehsulê xo biçînê, heywankarî bikê. Şaredarîya Rêya Armûşî ya HDP'yî wextêko kilm de paştî daye bi hezaran citkaran. Citkaran bi saya hetkarîye ya şaredarîye eşkayî mehsulê xo biçînê. Citkaranê Wanî dest pê ramitişê bezreyanê ke Şaredarîya Rêya Armûşî ra girewtî kerd. Citkaran bi hetkarîya şaredarîye hezar donimê erdî seba genim, lazut kênayî û senînîyêka pîle girewte. Citkaran erdo 750 donimîn de dest pê ramitiş kerd.