Goreyê zanayîşê ke  çimeyanê cayîyan ra ame girewtene saete 16:42 de  konvoyê  wesayîtanê zirxinan ê PDKyî  bajarekê Şeladizê yê qezaya Amedîye ra ver bi warê Rêçbiraxa yo ke binê kontrolê gerîlayan de yo, kewt rayîr.

Konvoyê PDKyî ke tede wesayîtê sîvîl û leşkerî estê, gama ke kewt warê Geliyê Balinda tîya konvoy hetê hêzanê gerîlayan ra ame hîşyarkerdene. Gerîlayan waşt ke ê peyser agêrê.

Çimeyanê cayîyan da zanayene ke vera hîşyarkerdişê gerîlayan ê fekkî  hêzanê PDKyî çekî antî ke pêrodayîş vejê. Dima ra şarê herême kewt mabên û gerîlayan zî pê tewirişê xo yê giranî desturê provokasyonî nêda.

Dîya zanayene ke konvoyê PDKyî kişta baregehê Siri yê artêşa tirke yê Şeladizê de paweno.