Goreyê agahîyanê medyaya YNKyî dewleta tirke ya îşxalkere herêma Biradostî de baregehêko newe viraşt. Bi nê baregehî dewleta tirke qasê 10 kîlometre dekewte sînoranê Başûrê Kurdîstanî.

Goreyê çimeyanê herêmîyan artêşa îşxalkere qasê 100 leşkerê xo pê helîkopteran baregeh de cakerdê.

No baregeho newe warê Dûrîye de cagêno ke bi nê baregehî warê Tarstan, Kem Kora, Sinîn û Lolanî benê waranê îşxalî yê neweyan.

13ê êlula 2023yî de bi seyan wesayît û çekê zirxînî yê PDKyî derbazê herêma Biradostî bibî û naye ra pey zî baregeho newe virazîyabi.

PDKyî verî de derbazê nê warî bibo 24 saetî dayî koçeran û bi zorî, gef û tedayan koçerî herême ra vetbî.

Çimeyanê herêmîyan pare kerd ke qasê 286 keyeyanê citkar û koçeran netîceya nê tedayan û zorbazîye de koç kerdo.

Teyarayê keşf û şerî yê dewleta tirke ya îşxalkere, topan û hawanan reyde hema hema her roje warê Biradostî danê bombayan ver.