Birhîm Derwêş bi nameyê xo yê naskerdeyî Ebû Rayîdo ke endamê komelê berzî yê Eşayîrî yê PDKyî bi, zêdîyayîşê gefanê vera Şingalî ra dima PDKyî ra cîya bi û tewrê Îdareyê Xoserî yê Şingalî bi. Rayîdî derheqê xoverdayîşê Şingalî de ANFyî rê qisey kerd.

Birhîm Derwêşî da zanayene ke ewladê êzidîyî û rêxistinê Şingalî ra ber çew wayîrê Şingalî nêvejîyê û coka ey waşt tewrê Îdareyê Xoserî bibo.

Birhîm Derwêşî pare kerd ke ganî pêro êzidîyî, şingalijî abigêrê warê xo û wayîrê Îdareyê Xoserî û Asayîşê Êzidxanî vejîyê.

Birhîm Derwêşî vat: ''Ciwan û kalanê êzidîyan fermanî ra dima xo rêxistin kerd. Heta nika înan nêverda ke Şingal bêro îşxalkerdene. Ewro ganî pêro êzidîyî wayîrê Şingalî vejîyê. Mi dî ke çew xizmetê Şingalî nêkeno coka mi verê xo da Şingalî. Şingal de şehîdbîyayîş ma rê rûmet o. Ganî ma nêverdê ke Şingal bêro îşxalkerdene.''