Goreyê zanayîşanê ke ameye girewtene şarê Başûrê Kurdîstanî vera hêrişanê îşxalî yê dewleta tirke ke her rojê şaro sîvîl nê hêrişan de yeno kiştene, amadekarîye kenê ke vejîyê kuçeyan. PDK seba ke verê serewedartişî bîgêro şewa 25ê hezîrane ra peşmergeyê Rojî zî tede tewr tay 3 hezar pêşmergeyî sewq kerdî.

Nê peşmergeyî tewr zaf Şaladizê, Bamernê û Amedîye de domareyê artêşa tirke de ameyî cakerdene. Ê bînî zî kuçeyan de ameyî cakerdene ke do verê çalakîyan bîgêrê. Dîmenê ke herême ra ameyî ramojnene ke  pêşmergeyan kuçeyan de cayê xo girewto.

Roja ke hêriş ame kerdeneke şarê Şeladizê, Deralok û Amedîye de  vera qirkerdişî ame pêser. Netîceya çalakîye de berpirsîyaranê PDKyî yê herême de pêvînayîş ame kerdene û tay waştişî sey fekkî ameyî qebulkerdene. Şarê Şeladizê badê qirkerdişî hîrê rojî ultimatom dabi  û nê waştî bî:

Wa baregehê dewleta tirke yê Şeadizê û Amedîye bêrê qefilnayen û leşkerê tirkan erdê înan ra vejê.

Wa kesê ke serhildanê parî de ameyî destbendkerdene serbest bêrê veradayene.

Wa rayîrê dewanê Rêkanî bêrê akerdene û bombardumanê vera nê dewan bêro vindarnayene.

Hezîranê 2019î de dewleta tirke dormeyê Zap û Deralokî bomardûman kerdbi 5 sivîlî kiştbî.  Şarê Şêladizê vera qirkerdişî sarewedartbi, eştbi baregehanê dewleta tirke ser û seba demê kilmî fînabi dest.