Qezaya Rişmilî ya Mêrdînî de çarçewa prosesê vurnayîşê şaristanî de karê rijnayîşê 500 keyeyan dest pêkerdbi.

Roniştoxê taxanê Tepebaşi û Gule semedo ke qebul nêkenê yeno waştene ke keyeyê înan birijîyê. Coka ceyranê taxan birîya û roniştoxan rê teda yena kerdene.

Roniştoxan pê çalakîya protestoyî venga Şaredarê Rişmilî yê AKPyî Hayrettîn Demîrî da ke wa îstîfa bikero. Muxtarê taxa Gule Çagdaş Araz zî bi îdîaya 'çalakîye serûber kerda' hetê Qeymeqamîya Rişmilî ra mengêke verî wezîfe ra ame dûrvistene.

Eşkera bi ke Şaredar Demîr mengêke verî qeymeqamîye rê gerreyê Arazî kerdo û Araz pê cadayîşê HDPyî sûcdar kerdo.