Fermandaranê HPGyî ra Edîp Dersimî bi wesîleya serrgêra 35. ya şehadetê Fermandarê Hemleya 15ê Tebaxe Mahsum Korkmazî (Egîd) ANFyî rê qisey kerd.

Fermandar Dersimî şexsê Fermandar Egîdî de pêro şehîdî yad kerdî û îfade kerd ke PKK û Rayber Apoyî ra dima planê dewleta qirkere pûç bîyî. Fermandar Dersimî da zanayene ke rayberîya Fermandar Egîdî de PKKyî guleyo verên eşt û Egîdî kurdan rê ê rojan de rayîrê azadîye mojna. Fermandar Dersimî ard ziwan ke Egîdî mîyanê PKKyî de embazîya raştikêne viraşte û na embazîye hema zî dewam kena.

Edîp Dersimî vat: ''Ewro gerîlayî xeta Egîdî de pê qerardarîyêka pîle şer kenê. Dişmen xîret keno ke pê teknîkanê xo gerîlayan çin bikera la gerîlayî pê metodanê afernayoxan vera dişmenî vejîyenê. Dişmen Garê de pê pêro teknîkê xo hêrişê gerîlayan kerd la gerîlayan nê hêrişî pê hêzê xo pûç kerdî. Ame îsbatkerdene ke qet yew teknîk nêeşkeno gerîlayan bin bikero. Xora embaz Egîdî no îsbat kerd. Ewro gerîlayê azadîye binê fermandarîya embaz Egîdî de tewrê Hemleya 'Wextê Azadîye' benê. Ma do 2021 de hêvîyanê dişmenî pê ruhê Egîdî pûç bikerê. Gerîlayî payan ser o yê.''

Edîp Dersimî pare kerd ke Eke ma pê ruhê embaz Egîdî dormeyê têgêrayîşê azadîye û gerîlayan de kom bibê ma eşkenê ser bikewê, Kurdîstanê azadî awan bikerê û Rayberê xo azad bikerê. Wa cinî û ciwanî bi xurtî tewrê gerîlayan bibê. Ma sey gerîlayanê azadîye soz danê ke xeyalanê şehîdanê xo bîyarê ca û Kurdîstan faşîzmî ra bikerê gor. Ma Fermandar Egîd ancî serrgêra 35. ya şehadetê ci de bi rêzdarî yad kenê.''