Heyetê Îmraliyî yê DEM Partî çarçewaya pêvînayîşanê ke badê pêvînayîşê bi Rayber Apoyî dayî destpêkerdene ewro bajarê Hewlêrî yê Başûrê Kurdîstanîî de Serekê PDKyî Mesûd Barzanî reyde pêvînayîş kerd.

 Pêvînayîşo ke  ofîsê Barzanî yê qezaya Pirmanî (Selahaddîn) de ame kerdene hendê saetêke û 45 deqeyan dewam kerd.

Eşkerayîya  Ofîsê Çapemenîye yê Mesûd Barzanîyî de ame vatene ''Heyetî detay û mesajê pêvînîyaşanê peyênan ê  bi Birêz Ocalanî teqdîmê Barzanî kerdî.''

Dîya zanayene ke Rayberê PDKyî Mesûd Barzanî vato o hazir o ke paştî bido prosesê neweyî yê Tirkîya û çîyo ke destê ci ra yeno do bikero.