Partîya Cuyeya Azade ya Kurdîstanî (PJAK) serra 20. ya ronayîşê xo de kongreya xo ya 7. pîya bi heme dezgehanê xo bi şîarê ''Bi felsefeya Jin, Jiyan, Azadî ma Kurdîstanî azad bikerê, neteweya demokratîke înşa bikerê'' kerde.

Kongre de bado ke Hemserekê PJAKî Siyabend Muînî qisey kerd, raporê heyetê hemserekîye ame teqdîmkerdene. Rapor de xebat û falîyetê çar serran ameyî erjnayene û kêmastîyî ameyî destgirwtene. Erjnayîşanê kongre de şehîdê têkoşînê azadîye ameyî vîrardene û sozo ke dîyayo Rayberê Şarê Kurdî Abdullah Ocalanî û şehîdan ame newekerdene. Reyna vera plananê dişmenî û hemkaranê ci bale ameya antene muhmîya xebatêka radîkal û stratejîke ser û ame vatene ke ganî PJAK bi cepheyê şarê demokratîkî têkoşînî xurtêr bikero.

Kongreya de bi rayanê delegeyan Emîr Kerîmî û Peymane Vîyan sey hemserekanê PJAKî ameyî vîjnayene û endamê meclîsê partîye zî ameyî vîjnayene. Kongre de bi pêşnîyazan qerarê muhîmî ameyî girewtene. Hemsereka newî ya PJAKî Peymane Viyan qiseykerdişê qefilnayîşê kongre kerd. Vîyane ard ziwan ke înan kongreyêka serkewtîye kerde û vat ê do semedê caardişê qeraranê kongre çîyo ke destê înan ra bêro bikerê.

Kongre bi slogananê  “Bijî Rêber Apo”, “Bê Serok Jiyan Nabe”, “Şehîd Namirin” û “Jin, Jiyan, Azadî” qedîyaye.