Endamê Konseya Fermandarîye ya HPGyî Piling Meletîyî Radyoyê Dengê Gelî rê qisey kerd û beşê diyînî yê roportajê xo de şerê Herêmanê Pawitişî yê Medya ercna.

Qiseykerdişê Meletîyî ra tay beşê girîngî wina yê:

''Komara Tirkîya serê çinkerdişê kurdan ronîyaya. Hedefê ci yo tewr pîl zî PKK yo. Coka dewletê kapîtalîstî de dewleta tirke reyde hêrişê PKKyî kenê. PKK ronîyayîşê xo ra nata raştê hêrişanê pîlan ame. Vera nê hêrişan xoverdayîşêko pîl ame mojnayene. Têgêrayîşê ma PKK rûmetê merdimatîye paweno. Gerîlayî veera hêrişanê dişmenî çalakîyanê xurtan kenê. Gerîlayî roje bi roje ver bi serkewtişî şino. Gerîlayî seba azadîya şarê kurdî şer kenê. Ganî dişmen bizano ke ê do bi PKKyî nêeşkê. Hêzê PKKyî teyna bi koyan sînordar nîyo. PKK ewro serê esasê fikr û felsefeya Rayber Apoyî de têgêreno û hêvî dano pêro şaranê bindestan.

Ewro zîndanan de embazê ma yê tepişteyî seba azadîya Rayber Apoyî grevê vêşanîye kenê. Xoverdayîşo ke zîndanan de hetê embaz Mazlûm, Xeyrî û Kemalan dîyabi destpêkerdene ewro zî dewam keno. PKKyî zîndan de derba tewr pîle dabî dişmenî ro. Tepişteyî heta ewro raştê xeylêk hêrişan ameyî la ancî zî bi qerardarî têkoşîn kenê. No zî mojneno ke îradeyê embazanê ma çend bihêz o.

Seba PKKyî girîngîya cayî çin a. PKK kamca de bo, uca de xoverdayîş est o. Zîndanan de PKK wayîrê potansîyelêkê pîlî yo. No potansîyel eşkeno prosesî bivurno. Ma grevê vêşanîye yê embazanê xo selam kenê. Keda îna do qetî bê netîce nêmana.

PKKyî nê 45 serran de bedelê giranî dayî. Têgêrayîşê ma û Rayberîye seba cuyêka azade pêro îmkananê xo seferber kenê. Ma sey gerîlayan do bingeyê nê têkoşînî de xo ver bidê. Teyna milîtanêk zî bimano heta peynî gerîlayî seba armancanê PKKyî, xeta Rayber Apoyî de do têkoşîn bikerê.''