Konseya Fermandarîye ya HPGyî ra Piling Meletîyî Radyoyê Dengê Gelî rê bi wesîleya serrgêra 45. ya ronîyayîşê PKKyî qisey kerd.

Piling Meletîyî pare kerd ke sayê keda Rayberê Şarê Kurdî Abdullah Ocalanî û şehîdan ra PKK 45 serrî yo têkoşînî rê dewam keno û bedelanê giranan dano. Piling Meletîyî vat: ''Koyan de, şaristanan de û her ca de şima do têgêrayîşê PKKyî bidê dewamkerdene. Bi nê hawayî şima do bieşkê waran de meseleyan çareser bikerê. Bêguman no bi hêzê çareserîye û îradeyê çareserîye yeno afernayene. Milîtanêkê PKKyî wexto ke bi raştî tewr beno, eşkeno pêro meseleyan biercno û seba çareserîye fikrêkî biaferno.

PKK têgêrayîşê merdimatîye yo. Pêro azadîgîrî mîyanê nê têgêrayîşî de eşkenê cabigêrê. Wexto ke şima tewrê PKKyî bîyê pê hesîyenê ke sîstem çendek bêmana û bêarmanc o. Xora PKKyî tarîxê şarê kurdî vurna. PKKyî xoverdayîşê pîlî kerdî, embazîya pîle afernaye û şehadetê pîlî dayî. PKK 45 serrî yo seba komelêkê azadî têkoşîn keno. Netîceya nê têkoşînî de zî şarê herême çareserîye mîyanê PKKyî de vîneno.''