Pîyê Hemşaredara Nisêbînî Sara Kaya, Galîp Yusufogluyo ke 7ê tebaxe de dinyaya xo bedilnaye, bi merasîmêk ame definkerdene.

Sara Kaya ke sey rehîne yena tepiştene Zîndanê Tîpê Tyî yê Tarsusî ra tewrê merasîmê definkerdişî bîye.

Muracatê semedê tewrbîyayîşê cenaza verî hetê Mudirîya Asayîşî û Walîtîya Mêrdînî ra bi bahaneyê asayîşî amebi redkerdene. La dima ra  muracatê avûkatan pê cehdkerdişê Merkezê Pêroyî yê HDPyî  semedê Kaya destûrê tewrbîyayîşê cenaza dîya.

Merasîmê cenaza Nisêbîn de ame kerdene. Bi bahaneyê Korona têna destûr dîya ke 30 kesî tewrê cenaza bibê.