Hemsereka Şaredarîya Bajarê Pîlî yê Amedî Gultane Kişanak a ke sey rehîne yena tepişene, babîyê ci Lutfî Ozerî vizêr dinyaya xo bedilnaye. Ozer ewro Xarpêt de ame definkerdene.

Semedê Lutfî Ozerî Cemxaneyê Ehlîbeytî yê taxa Fevzî Çakmakî yê Xarpêtî de merasîm ame organîzekerdene. Wekîlê HDPyî Feleknase Uca, Alîcan Onlu, Hîşyar Ozsoy, Fatma Kurtulan, Gulîstane Kiliç Koçyîgît, endamê Merkezê Partîye, hemserekê partîye yê Amed, Xarpêt û Dêrsimî û merdimê Ozerî tewrê merasîmî bîyî.

Kişanake zî Zîndanê Kandira ra semedê tewrbîyayîşê cenaza netîceya muracatê avûkatanê ci de ardîyaye Xarpêt. Kişanake saetanê serê sibayî de ameye berdene keyeyê ci dima ra ardîyaye cemxane. Cemxane de leşkeranê tirkî destûr nêda rojnamegerî dimenan biancê.

Badê caardişê wecîbeyanê dînîyan cenazaya Ozerî ameye berdene dewa Sunî û Goristanê Koca Seyîtî de ameye definkerdene.