PJAK’î çalakîyanê grevê vêşanîye yê ke seba wedartişê tecrîdê serê Rayberê Şarê Kurdî Abdullah Ocalanî ameyê destpêkerdene rê bi mesajêk paştî daye.

PJAK’î mesaj de vat, “Cumleyê ‘cuye xoverdayîş a’ seba çalakwananê grevê vêşanîye manîdar o. Xoverdayîşê înan ê ke seba azadîye mucadele danê û êyê ke kewtê grevê vêşanîye manîdar o.”

PJAK’î ard ziwan ke şarî îradeyê xo “serkêşîya cinîya azade de” hemeyê dinyaye rê ramoto û vat, “Saya çalakîyanê grevê vêşanîye de tersê îşxalkaran û peydeperweran bi vêşî. Mucadeleyê azadîye do her çaxî de û bi her şekilî hetê şarî ra bêro berzkerdene û xurtkerdene. Mucadeleyê şarê ma heme sînorî vîyartî.”      

PJAK’î derheqê çalakwananê grevê vêşanîye de no mesaj da: “Leyla Guvene û heme mucadeledayoxê azadîye, şima bizanê ke şima tarîx nûşt. Do bi mucadeleyê şima tecrîd bişikîyo û şima do bi xoverdayîşê xo mesajêkê tarîxîyî bidê dîktatoran. Şarê ke Rojakewtene de azadîye wazenê hemeyê hêzê xo mucadeleyê şima ra gênê. Ma can û zerrî ra paştî danê mucadeleyê şima. Bi tepiştişan ê nêeşkenê rojê ma tarî bikerê. Şima seba hemeyê merdimîye nimûneyêko gane û rind ê. Mucadeleyê ma tena yew rayîrî şinaseno. O zî serkewtiş o.”