Komîteya Rayberdişî ya PKKyî bi wesîleya serrgêra Şorişê Rojawanî eşkerayîyêka nuştekîye daye û nê pare kerdî:

''Şorişê Azadîye yê Rojawanî ke 19ê Temmuza 2012î de dest pê kerd new serrî yo sey estareyêkî heme dinya roşn keno. Sere de semedê cinîyan, ciwanan, kedkar, karkeran semedê heme merdimîye beno roşnayîya hêvîyêka newîye. Pê nê şorişî ame vînayene ke afernayîşê yewna dinya mumkun o. Fikrê Modernîteya Demokratîke ya Rayberê Şarê Kurdî Abdullah Ocalanî raya verêne û hîra tîya ameye caardene tecrubeyêko şorişgêr ame pêserkerdene.

Na çareçewe de ma verî  ruh û îradeyê 19ê Temmuze selam kenê. Sere de şarê ma yê Rojawanê Kurdîstanî heme şarê Vakur û Rojhelatê Sûrîye yê ke pîya no şoriş kerd ma semedê nê serkewtişê demokratîkî înan pîroz kenê. Şorişê Rojawanî sere de Rayber Abdullah Ocalan, hêzanê azadîye, şarê ma û şaranê Rojhelatê Mîyanênî, cinîyan û şaranê bindestan rê pîroz bo. Ma şexsê serkêşanê pîlan ê şorişî Şîlane Kobanê û Xebat Derîkî de heme şehîdanê xo yê qehreman bi hurmet û minetî yad kenê. Bitaybetî Efrîn, Girê Sipî û Serêkanîyê de vera îşxalî înanê ke şerê xelisnayîşî rayra berd ma înan selam kenê û serkewtiş wazenê.

Ma zanê û bawer kenê ke cografyaya qije de bêro kerdene zî Şoroşê Azadîye yê Rojawanî parçeyêkê Şorişê Sûrîyeya Demokratîke û şorişanê Kurdîstan û Rojhelatê Mîyanênî yo ke tira nêno raqilnayene. Coka sere de cinî û ciwanî bala heme şaranê bindestan ante xo sere û vera sîstemê modernîteya kapîtalîste sey alternatîfî bingeyê modernîteya demokratîke na ro. Vera çeteyanê DAÎŞî çar parçeyê dinya açaryayî cayanê çalakîyan û karekterêko enternasyonalîst vejîya meydan.

Ma reyna vînenê û fehm kenê ke Şorişê Azadîye yê Rojawanî de kerakterê netewe û demokratîkî bibi zî esle xo de Şorişê Azadîye yê Cinîyan o. Tew vernî ra her warê xebata şorişgêre û têkoşîn de cinîyan serkêşîye kerde û nê new serran de wina dewam kerd. Bi nayî ame vînayene ke pê azadîye cinîye cuya komelkî eşkena bêro ronayene. Her kesî dîyî ke karekterê seserra newîye zî no yo.

Bêşik o ke Şorişê Azadîye yê Rojawanî yo ke şorişê heqîqetî bi fikrê Modernîteya Demokratîke ya Rayber Abdullah Ocalanî ame kerdene. Eşkera yo ke sey înşayê neteweya demokratîke ke xoserîya demokratîke xo rê esas geno aver şino. Bi nê zîhnîyet û şoroşê tewirê cuya afernayîşê  merdimê azadî yê newî û komelê demokratîkî xo rê esas geno. Nê pêrune zî pê perwerdeyo ke sey seferberîye yeno kerdene û xebatanê îknakerdişî keno. Bi nê karekterê xo her qeyde tekîlî û îtîfaqî rê akerde aver şino. Her hetî tecrubeyêkê şorişî yo ke tede dersê zengînî estê.

No şorişo ke tede wina zengînîye estê kewno serra desine. Wextê winayênî de ke zîhnîyetê dewlete-camerdî dinya ser û bin kerda, no serrî yo payramendişê Şorişê Azadîye yê Rojawanî bi xo yew serkewiş o. Nê demî de averşîyayîşê muhîmî zî qewimîyayî. Ma pê bawer ê ke serra desine de serkewtişê şorişgêrî yê neweyî do bêrê destfînayene. Xeta Modernetîya Demokratîke de tecrubeyê new serranî ra do dersê zengînî bêrê vetene û serra desine biba prosesê hamle.

Şorişê heqîqetî de vindetiş çîn o, pê eşqî peyê cuya azade de vazdayîş esas o. Şorişê Azadîye yê Rojawanî ke şorişêkê heqîqetî yo do serra xo ya desine de na çarçewe de aver şiro. Bi xeta sîyasîya raşte û dîplomasîyê bitesîrî  do verê tehlukeyan bêro girewtene. Kêmayî do werte ra bêrê wedaritene û şoriş xurtêr bo. Ma reyna serra newîye ya Şorişê Azadîye yê Rojawanî pîroz kenê û şarê Vakur û Rojhelatê Sûrîye rê serkewtiş wazenê.''