'PKK ewro seba merdimatîye bi hêvîya azadîye'
PKK partîyêka Kurdîstanî ra vurîya bi partîyêka mîyanneteweyîye û seba pêro merdimatîye bi qibleya hêvîya azadîye. Gerîlayê azadîye oxirê nê armancî de 46 serrî yo bêmabên têkoşîn kenê.
SERRGÊRA RONÎYAYÎŞÊ PKKYÎ
Gerîlayanê HPGyî bi wesîleya serrgêra 46ine ya ronîyayîşê PKKyî ANFyî rê qisey kerd.
Gerîla Mordem Efrînî vat: ''Rayber Apoyî mîyanê şertanê zehmetan de PKK na ro. Ewro PKK wayîrê bi mîlyonan sempatîzan û dostan o. PKKyî vera modernîteya kapîtalîste şorişêko komelkî awan kerd. Merdimatîye mîyanê têkoşînê PKKyî de felata xo vînena. PKK teyna partîyêka kurdan ney partîyêka merdimatîye ya.''
Gerîla Şahîn Botanî vat: ''PKK partîya şehîdan a. Xeyrê fedakarîya Rayber Apoyî û şehîdanê ma ra PKK ewro resa na aste. PKK wayîrê kultur, ziwan, şar û wekatê xo vejîya. Êyê ke vera PKKyî dişmen de hemkarîye kenê şarê kurdî rê xayînîye kenê. PKK erjanê merdimatîye û kulturê cuya azade paweno.''
