Komîteya Rayberdişî yê PKK’yî semedê yewîya Kurdan veng da û bale ante muhîmîya Konferansê Neteweyî yê Kurdan ser.

Eşkerayîye ra tayî cayî wina yê:

''Ewro Rojakewtena Mîyanêne de Şerê Dinya yê  3’ine yeno ciwîyayene. Kurdistan Şerê Dinya yê 1’ine de ame çarlete kerdene û şarê Kurdî ser o polîtîkaya çînkerdişî yena rayraberdene. Ewro rayberîya dewleta Tirkî de nê polîtîkayê qirkerdişî yê vera Kurdan dewam kenê. Tirkîya her ca de hêrişê destkewteyanê Kurdan kena. Hêrişê vera Rojawanî zî herêşê vera cuyaya demokratîke û azade ya Kurdan ê. Hêrişê vera estbîyayîşê Kurdan ê.

Hewcedarîya Konferansê Neteweyî yê Kurdan Esta

Qewimîyayîşê serranê peyênan eşkera ramojnenê ke heta ke Kurdî yew mebê ne eşkeşenê  destkewteyanê xo bipawê ne zî serkewtişanê neweyan bifînê dest. Serkwtişê Kurdan bi yewîye mumkun o. Nê semedî ra ganî heme hêzê sîyasî, partî, şaro demokratîk o rêxistinkerde, roşnvîr û hunermendê Kurdan bêrê tehêt û Konferansê Neteweyî virazê. Eke ma nika mebê yew ma do bedalanê girdan bidê. No demo ke hem îmkanê destkewteyanê girdan zaf ê, hem zî tehluke gird o ganî ma Kurdî pêro pîya tê bigêrê. Kombîyayîşo ke 14 partîyanê sîyasîyan Başûrê Kurdistanî de viraşt zaf muhîm o. Ma tînan silam kenê. Ma do berpirsîyarîya xo bica bîyarê û seba serkewtişê Kurdan çî hewce keno, bikerê.‘‘