Komîteya Rayberdişî ya PKKyî pê eşkerayîyêke şehîdê menga gulane yad kerdî.

Eşkerayîya PKKyî wina ya:

''Sey Têgêrayîşê Azadîye yê Kurdîstanî û şarê kurdî ma dekewtî gulanêka newîye. Serra 2021 de ma menga şehîdan a 45. de yê. Ma embaz Hakî Karero ke gulane kerda menga şehîdan serrgêra şehadetê ci ya 44. de bi rêzdarî û minetî yad kenê. Ma Rayber Apoyo ke artêşa şehîdan ê şorişgêran awan kerde û xoverdayîşê ci yê Îmraliyî bi rêzdarî selam kenê.

Ma şarê xo yê welatperwerî, keyeyanê şehîdan, merdimanê şehîdan û dostanê xo yê demokratîk-şorişgêranê ke artêşa şehîdan awan kerde selam kenê. Sere de embazanê partî ma venga şarê ma yê welatperwerî, cinî û ciwanan, şorişgêran û dostanê demokratîkan danê ke menga gulane de şehîdan yad bikerê, fam  bikerê û xeta şehîdan û Rayberîye de rêçê şehîdan de seba azadîue zêdêr şer bikerê!

Ewro 2ê gulane serrgêra 38. ya şehadetanê Mehmet Karasunguro ke ronayoxê partîya ma, endamo verên ê Komîteya Merkezî û fermandarê xoverdayîşanê pîlan Hîlwan û Sêwreg o, û  milîtano ercîyaye yê partîya ma Îbrahîm Bîlgîn a. Ma nînan bi heskerdiş û minetî yad kenê. Ma 38 serran ra nata binê fermandarîya  embaz Mehmet Karasungurî de şer kerd û ewro zî ma sere de Metîna, Zap, Avaşîn, Heftanîn û Xakûrkê de her cayê Kurdîstanî de şerê azadîye rê dewam kenê. Ma serrgêra 38. ya şehadetê ci de embaz Mehmet Karasungurî rê mujde kenê ke ala û çeka ci war de nêameyî verdayene, destê gerîlayan de bi hawayêkê bihêzêrî yenê kiriştene.

Reyna 2ê gulane serrgêra 5. ya şehadetê fermandaran ê bêmergan ê Amedî Azad Sîser û Çekdar Amedî ya. Bi na wesîle ma fermandaranê xoverdayîşê xoîdarekerdişî embaz Azad û Çekdarî bi minet, hesret û herkerdişî yad kenê. Vîrameyîşê înan ê bêmergî zî şerê şorişgêrî yê gerîlayan û şarê ma de ciwîyenê.

Ma şexsê şehîdanê 1ê Gulane, şehîdanê Taksîmî yê 1ê Gulana 1977î, şehîdê ma yê Beyrutî abdulkadîr Çubukçu, şehîdê ma yê Garzanî yê 1ê gulana 1985î embaz Ramazan û grûba ci, şehîdê ma yê Mêrdînî yê 1ê gulana 1988î Endamê Komîteya Merkezî ya PKKyî M.Emîn Aslanî de pêro şehîdanê menga gulane bi minet, rêzdarî û heskerdişî yad kenê.

6ê gulane zî tarîxê dardekerdişê Denîz Gezmîş, Yusuf Aslan û Huseyîn Înanî yo. Ma serrgêra 49. de înan bi rêzdarî yad kenê. Ma venga hêzanê şorişgêr û demokratîkan  danê ke rêçê nê şorişgêran de têkoşînê şorişgêrî pîl bikerê, têgêrayîşê şorişgêrê yewbîyayeyî aver berê û biresnê serfîrazîye!

9ê gulana 2010î de Îran de şorişgêr û welatperwera pîle Şîrîne Elemhulî pa çar embazanê xo ameybî dardekerdene. Ma înan bi rêzdarî û minetî yad kenê. 11ê gulana 1992î de Tetwan de rayberêka têkoşînê azadîya cinîyan, hunermende û gerîla, fermandara bêmerge ya Garzanî Hozane Mizgîne (Gurbete Aydin) şehîd bîye, ma aye bi hûrmet û minetî yad kenê. Ma pê sereberzî mujde danê ci ke alaya aye destê pêro cinîyan ê kurdan de hîna bena berz û pêro dinya rê vila bena.

Aseno ke ma Menga Şehîdan a 45. pê Hemleya 'Wextê Azadîye' pêşwazî kenê. Çarçewa na hemle de gerîlayê ma her roje Zap, Metîna û Avaşîn de derbanê giranan danê dişmenê kolonyalîst û faşîstî ro. Ma sey gerîlayan û şarî xeta Rayberîye de û rêçê şehîdanê ma de şer kenê. Artêşa Şehîdan gerîlayan û şarê ma rê fermandarîye kena. Ma reyna binê fermandarîya fermandaranê bêmergan Mehmet Karasungur û Mizgîne de şer kenê. Ma pê sereberz ê ke ma xeta Rayberîye û rêçê şehîdan ra nêagêrenê.

Eşkera yo ke na xete 44 serrî yo şarê ma û têgêrayîşê ma kerdî bêmaxlûb û verê qewimîyayîşan ê girînfan akerd. Bêguman serra 45. de rayraşîyayîşê ma nê esasî ser o bibo û ma do serkewtişanê pîlan bivisnê destî. Dişmeno faşîst û kolonyalîst se keno wa bikero rayberîya gerîlayan de şerê şarê ma ey do bierzê çopê tarîxî. Zap û Zagrosî ra heta pêro Kurdîstanî îşxalo faşîst û qirker do bêro teberkerdene. Şerê Zap-Zagrosî esasê pêro şeran o. Kifş o ke kilîd tîya de do bêro akerdene, îşxalî do bêrê şiknayene û azadîya mende do bêra caardene.

Ciwanê fedayî yê Kurdîstanî do bihêrikîyê cepheyanê şerî, koyan û şaristanan de derbanê giranan bidê dişmenî ro; cinîyê çêrî yê kurdî do pêro cepheyan de rayberîya xoverdayîşê antîfaşîstî bikerê û nê şerî de ser bikewê. Gerîla û şarê ma menga şehîdan de pê hîşmendî, îrade û ruhê şehîdanê ma yê çêran xoverdayîşêko ke do faşîzmî birijno, tecrîd bişikno, îşxalan pûç bikero bîyarê ca û qetî ser bikewê.

Sey têgêrayîş û şarî ma na menge de hîna zêde nêzdîyê şehîdanê xo yê çêran bibê, înan zêdêr fam bikerê û bi nê hawayî hîna raşt têbigêrê. Semedê ney ma do mîyanê pêro têkoşîn û aktîvîteyan de bibê. Ma do şehîdanê xo ra bimusê, sey şehîdan biciwîyê û sey şehîdan şer bikerê, ser bikewê. Nê esasî ser o ma şehîdê xo yê verênî Hakî Karerî ra heta embaz Sînan Dêrsimî, heta şehîdanê xoverdayîşê Zap û Metîna pêro şehîdanê têkoşînê azadîye bi minet û rêdarî yad kenê. Ma do qetî hesreta înan Kurdîstanê Azadî û cuya azade rayberîya Serek Apoyî de bîyarê ca!''