Komîteya Rayberdişî ya PKKyî bi wesîleya serrgêra Hemleya 15ê Tebexe eşekrayîya nuştekîye daye.

PKKyî vat: ''Ma sere de Rayber Apo heme hemrayanê xo, hêzanê xo yê gerîlayanê qehremanan, şarê xo yê welatperwerî û dostanê xo yê demokratîkan rê Roşanê Ganîbîyayîş û Gerîlayan ê 15ê Tebaxe pîroz kenê. Ma şexsê hemrayanê xo Fermandaranê Bêmergan  û sembolê dewrê qehremanîye Egîd û Zîlane de heme şehîdanê xo bi hurmet, heskerdiş û mînetî yad kenê û sozê serekwtişî newe kenê. Ma do serra çewrasine ya hemle de têkoşînê xo yê azadîye û demokrasîyî xurtêr bikerê û Hemleya Azadîye ya  Globale ya seba azadîya Rayber Apoyî ser bifînê. Ma Mîmarê Hemleya Pîle Rayber Apoyî bi hurmet selam kenê û veng danê ke wa heme hetê demokratîkî wayîrê hemleya azadîye bivejîyê.''

Eşkerayîye de nê ameyî parekerdene: ''Hemleya Şorişgêre ya 15ê Tebexe ya ke mîladê kurdan a ke tarîxê ma yo ke ver bi çînbîyayîşî şinî açarna estbîyayîşî 40 serrî xo dima verdayî. Ma sey Têgêrayîşê Azadîye yê Kurdîstanî û şarê kurdî çarçewaya Hemleya Gerîlayan a 15ê Tebaxe de tam çewras serrî yo bêmabên şerê azadîye rayra benê. Na rewşe senî ke tarîxê kurdan de newî ya semedê şaranê bindestan û merdimîye zî hetê tarîxê xelisnayîşî ra wayîrê manaya pîle ya. Nê çewras serran de ma zaf dej ant, gonî rişnaye; la ma destkewteyê pîlî fînayî dest. Ma sey şarî dewrê qehremanîye, dewrê roşnayîye û azadîye ciwîyayî. Ewro ra tepîya zî ma do bi Rûhê Hemleya 15ê Tebaxe  û Serkewtişî biciwîyê têkoşîn bikerê û tim ser bikewê.

Nika serrgêra Hemeya 15ê Tembaxe de îdareyo faşîst yê AKP-MHPyî reyna bi paştdayîşê NATO û Barzanî vera Rayber Apoyî, Gerîlayanê Azadîye yê Kurdîstanî, şarê kurdî, ciwanan û cinîyan ê  ci hêriş keno û reyna îdîa keno ke do pêrune biqedîno. Hêrişê Vakurê Kurdîstanî û Tirkîya kiriştî Iraq û Sûrîye ke Başûr û Rojawan zî îşxal û îlhak bikero. Hêrişê ke 26ê tebaxa 2016î de dayî destpêkerdene ewro sere de Zap û Metîna Herêmanê Pawitişî yê Medya de xorî kerdî. La gerîlayê kurdê ke Xeta Modernîteya Demokratîke de têkoşîn kenê hêrişê înan betal kenê. Ma xoverdayîşê tarîxî yê gerîlayanê HPG û YJA Starî selam kenê, pîroz kenê û dewamê serkewtişê înan wazenê.

Têkoşînê ma yê azadîye çarçewaya Hemleya Azadîye ya Globale de her ca de yeno averberdene. La ma nê zî xo vîra mekerê ke dişmen zî veng nêvendeno. Serrgêra 41. ya  hemle de her hetî ra hêrişê qirkerdişî yenê kerdene. Heme îmkanê Tirkîya yê zerî û teberî semedê nê hêrişan ameyî seferberkerdene. Rayber Apoyî ra 41 rojî yo xebere nîna girewtene. Vera Herêmanê Pawitişî yê Medya hêrişê îşxal û îlhakî bi paştdayîşê PDK û Iraqî dewam kenê. Zîndanê ke ameyî pirrkerdene û her qeyde îşkence yeno kerdene, zîndanan ra cenazayî vejîyenê. Vera ziwan û kulturê kurdan hêrişê qirkerdişî yenê kerdene. Vera cinîyan û ciwanan ê kurdan caardişê şerê taybetî her roje zafêr benê. Xozaya Kurdîstanî yena talankerdene.

Bi qala kimle Serra 26ine de hêrişê komployê mîyanneteweyî dewam kenê. Ma prosesî hol fam bikerê û wayîrê Rayber Apoyî û gerîlayan bivejîyê. Ma dormeyê xoverdayîşê Imrali û gerîlayan de bêrê têhet û wezîfeyê xo yê welatperwerîye bîyarê ca. Ma vera hemkarîye û îxanetî yewîya welatperwere aver berê.  Ma têkoşîn de dahîna bibê radîkal, afirnayox û tesîrdar.

Şarê ma yê Başûrî xora îxanetê keyeyê Barzanî zî zano û PKK û gerîlaynê ci zî hol sarisneno. Şima zanê ke  gerîlayî têna azadîya Kurdîstanî wazenê û semedê nê vera dişmenî bi hewayêkê fedayîyî şer kenê. Coka zûranê îdareyê Iraqî û Barzanîyan rê mexapîyê, goş pa mekewê. Gerîlayî ewro  Zap, Metîna, Heftanîn, Avaşîn û Xakurkê de vera îşxalî bi hewayêkê qehremankî şer kenê. Vera zextê Barzanî tim cayê şima de yê. Dahîna zaf wayîrê gerîlayan vejîyê ke semedê pawitişê şima bi hewayêkê fedayîtî şer kenê. Yewîya welatperwere biafirne û vera hêrişanê  dewleta tirke bivejîyê. Reyna dostê ma yê şorişgêr û demokratîkî zî ganî vera hêrişan vengê îşxalî vengê xo berz bikerê.''