PKK: Ma hîşmendîya kiştoxa Sêwasî nêzdî ra şinasnenê

Komîteya Kultur û Hunerî ya PKKyî derheqê serrgêra Qirkerdişê Sêwasî de eşkerayîyêke daye, qirkerdiş şermezar kerd û pare kerd ke ê do şehîdanê Sêwasî heta serkewtiş û azadîye bidê ciwîyayene.

Komîteya Kultur û Hunerî ya PKKyî derheqê Qirkerdişê Sêwasî de eşkerayîyêke wşanaye. 

Eşkerayîye wina ya: ''Dewleta faşîste 2ê temmuza 1993î de Sêwas de Otêla Madimakî e roşnvîr û hunermendî zî tede 33 merdimî vêşnayî û bi hawayêkê barbarî qetil kerdî. Ma nê qirkerdişî şermezar û lanet kenê. Ma înanê ke dinyaya xo bedilnaye pê hûrmet û mineyî yad kenê. Ma soz danê ke ma do hêvîyanê înan ê seba azadîye têkoşînê xo de bidê ciwîyayene.

Ma na hîşmendîya qirkere nêzdî ra şinasnenê. Ma hîşmendîya reş û gemarine key firsend dî hêrişê hêzanê komelî, têgêrayîşanê azadî, roşnvîr û hunermendan kerd û nê kesî qetil kerdî.

Mazdek-Hûreman ra heta Babekan, Hallaci Mansûrî ra heta Şêx Bedretînan, Pîr Sultan Abdalî ra heta Hasret Gultekînan, Apê Musa ra heta Atakanan, Helmet û Kasim Engînan xeylêk kes, têgêrayîş, roşnvîr û hunermendan vera sultanîya zorbazan sereyê xo nêrd war û qirkerdişan reyde têrî mendî. La  na xeta azadî, komelkî, komunal û têdûştî nêameya qedînayene û hêzêk zî nêeşkeno xet û kulturê xoverdayîş û azadîye biqedîno.

Îqtîdarê AKP-MHPyî yo ke ewro tesmîlîya Muavîye, Yavuz Selîm, Îttîhat û Terakkî keno, seba şarê kurdî, hêzanê demokratîkan qirkerdiş û teda keno ferz. Vera na hîşmendîya ke hêrişê goran, erjanê şarî kena, ma do pê qerardarî têkoşîn bikerê.

Ma do vera na hîşmendîye qet sereyê xo nêarê war. Ma do pê têkoşînê xo yê kultur û hunerî bibê vengê komelî û ê cananê ke Sêwas de şehîd bîyî ma de heta serkewtiş û azadîye bidê ciwîyayene. Na hîşmendîya murtecî rixmê sultanîya xo zî do çin biba. Pê kultur, bawerî û pêro renganê xo hêzê komelkîyî do ser bikewê. ''