Komîteya Rayberdişî ya PKKyî bi eşkerayîyêke venga şarê kurdî da ke ke seba şiknayîşê tecrîdê Îmraliyî û rijnayîşê faşîzmê AKP-MHPyî her ca de têkoşîn bi xurtî bikerê.

Eşkerayîye wina ya:

''Sey têgêrayîşê azadîye û şarê kurdî ma menga fedayîtîye hezîrane de yê. Na menge menga Zîlane Sema û Gulanan a ke vera hêrişanê serê Rayber Apoyî xo kerd sondê qesasî. Na menge menga şehadetê ewladê çêrî yê Başûrî Şehîd Helmet (Dîyar Xerîb) o. Menga milîtanîya şorişgêre xeta Apoyî de ya. Nê esasî ser o ma Menga Fedayîtîye ya pêro embazan û şarê ma fîraz kenê, şexsê Zîlane û Helmetî de şehîdanê ma bi rêzdarî yad kenê.

Na hezîrane de sey şar û têgêrayîşî ma xeta fedayîye ya Zîlanan, Semayan, Gulanan û Helmetan de bi çêrî têkoşîn kenê. Ma Hemleya Wextê Azadîye her war de aver benê. Hêzê ma yê gerîlayan Zap, Avaşîn û Metîna de û her catê Kurdîstanî de derbanê giranan danê faşîzmê AKP-MHPyî ro  û serkêşîya xoverdayîşê azadîye kenê. Serkêşîya  cinî û ciwanan de şarê ma û dostê ma çar parçeyanê Kurdîstanî û her cayê dinya de seba şermezarkerdişê faşîzmê AKP-MHPyî çalakîyan kenê.

Faşîzmê AKP-MHPyî yo ke gerîlayan ra derbanê giranan weno û pêro plananê ci pûç beno, seba ke verê rijîyayîşê xo bigêro peyê kayanê neweyan de yo û xîret keno ke hetkarîya her kesî bigêro. Hetêkî ra vera gerîlayan çeka kîmyewîye şuxilneno, hetêkê bînî ra zî hêrişê şar û sîyasetê demokratîkî keno. Nika zî seba ke hîna zaf hetkarîye bigêro Rûsya û NATOyî rê ver gêreno û peyê firsendê newe ra îşxalê Rojawanî de yo. Eşkera yo ke îqtîdar seba dergkerdişê emrê xo Zap de netîce nêvista destî û peyê serkewtişêkê erzanî de yo.

La hînî seba faşîzmê AKP-MHPyî firsendê felatî nêmendo. Zap û Kurdîstan bi temamî seba sîyaset û mezgê qirkerî yê AKP-MHPyî bîyo goristan. Xoverdayîşê ma yê şar û gerîlayanê çêran ke Xoverdayîşê Îmraliyî serkêşîya ci keno, prosesêkê winasênî dayo destpêkerdene ke sîyaset û mezgê qirker-faşîstî yê dişmenê kurdan Kurdîstan de do bikero binê erdî. Bêguman no xoverdayîşo pîl do bêmabên dewam bikero, tim derban bido faşîzmê AKP-MHPyî ro û merdimîye belaya AKP-MHPyî ra bizelisno ke dewamê DAÎŞ û El Qaîde yo.

Nê esasî ser o ma raştîya şar û cinîyanê ke xeta Zîlane de bîyê fedayî û seba azadîye xo ver danê, selam kenê.

Fermandar û şerwanê çêrî yê YJA-Star û HPGyî li Kurojahro, Şikefta Birîndara, Werxelê, Çiyayê Reş, Tepê Cûdî û Tepê Hakkarî de û çar hetanê Kurdîstanî de destanan nusenê. Ma nê pêro şerwan û fermandaran selam kenê û înan rê serkewtiş wazenê. Ma pê bawer ê ke ê serkewtişanê hîna pîlan bivisnê destî. Ma pêro şehîdanê ke xeta fedayîye ya Zîlane de şer kerd, bi rêzdarî, hûrmet û minetî yad kenê.

Ma şarê xo yê welatperwerî û dostanê xo yê ke rixmê pêro zor û zehmetîyan zî seba azadîya Rayber Apoyî ver xo da Gemlîk, kurdîstanijanê Ewropa û ê dinya yê ke seba azadîya Rayber Apoyî vejîyenê waran selam kenê û înan rê serkewtiş wazenê.

Ma vengdayîşê 'Werin Cenga Azadîyê' yê Komalanê Ciwanan û ciwananê ke verê xo da koyan û her warî de xoverdayîşî geş kenê, ciwananê enternasyonelanê ke tim meşaleya azadîye destê înan de yê, selam kenê. Serkewtiş ê ciwanan o ke xeta Apogîre de bi fedayîtî têgêrenê.

Ma kayanê sîyasîyan û mezgê qirker-faşîstî zî naye ra pey do çin bikerê. Ma hêrişanê îşxalî û qirkeranê ke verî zî şiknayî, do reyna bişiknê. Ma heta nika xayîn û ajanan ra hesab pers kerd û ancî bipersê. Heta ke faşîzm, kolonyalîzm, îşxal, qirkerdiş, îxanet û kolonyalîzm est bê, têkoşînê ma yê demokrasî û azadîye do est bê û tim seta serkewtişî de dewam bikero. Xoverdayîşê ma yê şar û gerîlayan do tecrîdê Îmraliyî bişikno, faşîzmê AKP-MHPyî birijno û serkewtişî qetî bîyaro ca.

Nê esasî ser o ma şehîdanê xo yê çêran reyna bi rêzdarî yad kenê, îfade kenê ke şerê ma yê gerîlayan ê Zap, Avaşîn û Metîna aver şoro, her waranê Kurdîstan û Tirkîya de xurtêr bibo. Ma sere de cinî û ciwanê kurdî venga pêro şarê xo û dostanê xo danê ke seba şiknayîşê tecrîdê Îmraliyî û rijnayîşê faşîzmê AKP-MHPyî her ca de xurtêr bikerê.''