Dewleta tirke ya îşxalkere 2ê tebaxe de cenazaya gerîlayê HPGyî Mahsum Aslanî (Fîraz Paramaz) pê kargo erşawite ke Mahsum Aslan Koyê Sorî yê Dêrsimî de hêrişê hewayî yê artêşa tirke ya îşxalkere de şehîd bibi. Komîteya Paşydayîşî ya bi Keyeyanê Şehîdan a PKKyî derheqê mesele de eşkerayîyêke daye.

Eşkerayîye wina ya:

''Raştîya PKKyî de şehadet heqîqatê fikrî, felsefe, raman û qeradarî îfade keno. PKK de şehîdbîyayîş zî afernayîşê cuya tewr pak û fîraz a. Vera îqtîdarî xeta xoverdayîşî zîrve û qetîkerdişê azadîya şaran ê bindestan îfade kena.

Na raştîye ser o egîd û çêrê şarê kurdî seba azadîya ameyoxî û ameyoxê şaro ke verê qirkerdişî de yo, bêmabên têkoşîn kenê. Gerîlayî her ca de derbanê giranan danê dişmenî ro. Ganî şarê ma baş bizano ke wexto ke faşîzmê AKP-MHPyî bin keweno goranê şehîdanê ma keno hedef. Ê cenazayanê şehîdanê ma seba polîtîkaya xo ya gemarine kenê stratejîya şerê taybetî û cenazayan pê kargoyî şaenê keyeyanê ma yê rûmetênan. No kerdiş pê cenazaya embazê ma Egîd Îpekî dest pêkerd. Rixmo ke keyeyê embaz Mahsum Aslanî testê DNA dabi 3 serrî keye ame vindarnayene û cenaza pê kargoyî erşawîyaye.

Qet yew dînê merdimîye raştê dehşetêkê winasênî nêame. Qirkerdiş û kerdişê xirabî yê vera şarê ma têna pê serebûtê Konya girêdaye nîyê. Wird embazê ma zî amedij ê û Dêrsim de şehîd bîyî. Wa sere de ê Amed, Dêrsimî pêro şarê ma û merdimîye bizanê ke no serebût normal nîyo. Senî ke Terteleyê Dêrsimî de merdimî nêeşkayêne cenazayan ra derbaz bibê, ewro zî heman hişmendîye dewre de ya. Bi nê hawayî ê wazenê lêşinîya xo ya tarîxî reyna gandar bikerê. Ameyox û vizêrê şarê ma pê dejaê pîlan bidê vîrakerdene. Eke heta nika fermanêko winasên nêeşka biqewimîyo sebebê ci têkoşîn û çêrîya gerîlayan a bi serran a.

Cenazayê şehîdanê ma ge pê kargoyan erşawîyenê, ge gorê înan ra yenê vetene û yenê berdene bi cayanê nezanîyeyan. Ganî baş bizanîyo ke bêexlaqîyêka winasêne ya bêmerdimîya ke dewleta tirke ya îşxalkere vera şehîdanê ma kena, a raşte pê tecrîdê giranî Rayber Apoyî rê yenê ferzkerdene. Ganî ma nê kerdişan qetî sey normalî nêvînê û qebul nêkerdê. Eke şarê ma vano çêrê ma yê çimreşî vizêr, ewro û sibayê ma yê ganî her ca de bikewo meydanan û wayîrê nê şehîdan vejîyê.

Şexsê keyeyê embazê ma Mahsun Aslanî de ma pêro keyeyanê şehîdan û şarê ma yê welatperwerî rê serweşîye wazenê û ma sey embazanê ci reyna soz danê ke têkoşînê şehîdan bivisnê azadîye. Embazê ma Mahsum bi nameyê qodî Fîraz Paramazî emrê xo yê ciwanî de dewaya azadîya şarê xo de ca girewt. O şewanê tarîyan de bi adirê meşaleya embazanê xo, zîrveyanê koyanê Dêrsimî de bi Awzema tewr weşe û erdê xo yê niştimanî de herikîya zereyê awa Çemê Munzurî. O do rim wina biherîko. O do bibo volkanêk û her hele mezgê îqtîdarê AKP-MHPyî de do biteqo.

Çarçewa vengdayîşê 'Ma rûmetê xo bipawê' yê Komîteya Xebatanê Şehîdan a PKKyî de ma venga pêro şarê xo danê ke vera nê polîtîkayanê bêrûmetverdayîşî, ma pê berzkerdişê têkoşînî rûmetê xo bipawê.''

-