Badê cenzaya gerîlayê HPGyî Egîd Îpekî nika zî cenayaza gerîlayê HPGyî Mahsum Aslanî pê kargoyî ameye şawitene.

Gerîlayê HPGyî Mahsum Aslan menga hezîrana 2018 de Koyê Sûrî yê Dêrsimî de hêrişê hewayî yê artêşa tirke de şewîd kewtbi. Serdozgerîya Komere ya Erzînganî cenazaya Aslanî pê kargoyî Mudirîya Asayîşî ya Erganî rê şawite.

Netîceya DNA ke keyeyê Mahsûm Aslanî 3 serrî verî dayebî mengêke verî ame zelalkerdene. Nayî ser o keyeyî muracat kerd ke cenazaya xo bîgiro la selahîyetdaran vat ê do cenazaya bişawê.

Goreyê xebera Jinnewsî 2ê tebaxe de Mudîrîya Asayîşî ya Erganî xebere daye keyeyî ke wa şirê  cenazaya xo bigîrê. Bado ke keye şi cenaza girewte, eşnawit ke cenaza pê kargoyî şawîyaya. Hetê bînî ra asayîşî de domanî zî tede heme ferdanê keyeyî ra rêçê engişte ame girewtene. Keyeyî cezana girewt û waşt pîya bi pakete kefen bikero û defin bikero. Cenaza 2ê tebaxe de dewa Yayvantepe ya Erganî de ameye definkerdene.