Komîteyanê Zîndanan ê PKK û PAJKî pê wesîleya serrgêra Xoverdayîşê Rojeyê Mergî yê 14ê Temmuze eşkerayîyêka nuştekîye weşanaye.

Eşkerayîye wina ya:

''Xoverdayîşê Rojeyê Mergî yê 14ê Temmuzî ra 38 serrî derbaz bîyî. Ma embazanê xo yê şehîdan şexsê  Mehmet Hayrî Dûrmûş, Kemal Pîr, Alî Çîçek û Akîf Yilmazî de bi rêzdarî û minetî yad kenê. Ma reyna soz danê ke ma do hedefê înan pê serfîrazîye tacîdar bikerê.

Nê rojan de ma hewceyê ci yê ke ruhê xoverdayîşî yê 14ê Temmuze zêdêr fam bikerê. Ma zanenê ke tek rayîrê serfîrazîye xoverdayîşê nê ruhî yo.Ruhê xoverdayîşî yê 14ê Temmuze de cayê bêbedelan çin o. Ruhê xoverdayîşê 14ê Temmuze cewabo tewr manadar ê cuya rûmetêne o. 

Ewro welatê ma binê hêrişanê faşîstan ê AKP-MHPyî de yo. Nê hêrişî faşîzmê 12ê Êlule ra zêdêr ê. Tecrîdê vera Rayber Apoyî ameyo a asta ke kurdî hînî qebul nêkenê. Pêro parçeyanê Kurdîstanî de vera erjanê ma hêriş yeno kerdene. Her roje pê operasyonê qirkerdişê sîyasî yenê kerdene, merdimî tepişîyenê, îşkence înan rê yeno kerdene. Heman wextî de vera Şingal, Mexmûr, Rojawan û Rojhelatî hêrişî yenê kerdene û nê hêrişan de merdimî yenê qetilkerdene.

Senî ke xoverdayîşê 14ê Temmuze rayîrê pûçkerdişê faşîzmê 12ê Êlulî akerd ewro zî xoverdayîşê rayberîya Rayber Apoyî de kurdî her ca de têkoşîn kenê Zeynebe Celalîyan û embazê aye Zîndananê Îranî de, bi des hezaran tepişteyî zîndananê Tirkîya de, gerîlayê azadîye û ruhê xoverdayîşê Mazlûm Dogan, Kemal Pîr, Mehmet Hayrî Dûrmûş û Sara  vera faşîzmî xo ver danê.

Seba cuyêka rûmetêne her wextî ra zêdêr ma hewceyê geşkerdişê xoverdayîşî yê. Geşkerdişê xoverdayîşê 14ê Temmuze wezîfeyê pêro cinî, camêrd, kadro û şerwanan o. Çinkerdişê faşîzmê AKP-MHPyî, esasê Kurdîstanê Azadî û Neteweyê Demokratîkî de awankerdişê Rojhelatê Mîyanênî yê Demokratîkî, verê Kemal, , Sara, Helmet, Kasim û rêheval Zehra Berke, Rayberîye û şarê ma de mesuldarîyê ma yê.  Ma nê esasî ser o vanê ke ma pê ruhê xoverdayîşî yê 14ê Temmuze dest pêkerd û serfîrazîye pê nê ruhî do bibo yê ma û şarê ma.''