Komîteya Rayberdişî ya PKK’yî derheqê Vîyan Sorane ya ke serrgêra 7. a komploya mîyanneteweyîye de çalakîya protestokerdişî viraşte de eşkerayîyêk daye.

Komîteye serrgêra 13. a çalakîya Vîyan Sorane ya endama Komîteya Înşaye ya PKK’yî û fermandara YJA Star’î  de nê vatî: ‘‘ Serrgêra 7. a komplo de sereyê menga Sibatî de hemraya Vîyan Sorane vat ke; ‘Ez nêwazena reyna binê tecrîdê Îmraliyî û sîtemê îşkenceyî de yewna 15’ê Sibatî bicuye‘ û benedê xo na ta.

Vîyan Sorane bi çalakîya xo sere de hemrayê ci, cinî şarê Başûrî  û bitaybetî zî şarê Silêmanî û heme şarê Kurdî ra waşt ke wa hîna hêzdar Rayber Apoyî rê wayîr bivejî û vera tecrîdî xoverdayîşî xurt bikerê. Ganî cinî û ciwanê Başûrê Kurdistanî raştîya Vîyan Sorane hîna raşt fam bikerê û rêçê aye de ray ra şirê.

Şarê Kurdî hinî nêwazeno bi tecrîdê Îmraliyî û sîtemê îşkenceyî bicuyo. Leyla Guvene eşkera ard ziwan: ‘‘Mi qet yew wext na komplo, sîtemê tecrîdê Îmraliyî qebûl nêkerd do mekere.‘‘ Şar wazeno ke peynîya tecrîdî bîyaro. Xo ra tewirê çalakwananê ‘ Şima nêeşkenê Tîja ma tarî bikerî‘ zî wina bi. Nê bingehî de ma sey têgêrayîş û şarî 20 serran de 10 hezarî ra zafêr şehîdî dayî.  Şarê Kurdî kêna û lajê xo yê tewr  jîhatî  no mucadele de şehîd dayî. Nê şehîdan sîtemê tecrîd û îşkenceyî red kerd û waşt kê dêsê Îmraliyî bêrê perçekerdene. Ma do waştişê şehîdan bica biyarê.‘‘