Komîteya Merkezî ya PKKyî serrgêra şehadetê Kasim Engînî (Îsmaîl Nazlikul) ser o eşkerayîyêka nuştekîye daye.

Eşkerayîye wina ya:

''Ma embaz Kasim Engîno ke xelkeyo peyên ê Menga Şehîdan a Gulne, endamê ma yê Komîteya Merkezî yo serrgêra yewine ya şehadetê ci de pê rêzdarî, heskerdiş û minetî yad kenê. Ma pê bawer ê ke têkoşînê qesasî yê şorişgêrî yê yewserre serra diyîne de aver berê. Ma venga pêro şar û dostanê xo yê demokratîkan danê ke şexsê embaz Şehîd Kasim Engînî de pêro şehîdanê ma yê çêran raşt fam bikerê û bi xurtî wayîrê ci vejîyê.

Eşkera yo ke sey têgêrayîş û şarî serê gulane ra nata ma zêdêr nêzdîyê şehîdanê xo yê. Her roje çend cayan de ma seba yadkerdiş û famkerdişê şehîdanê xo aktîvîteyan kenê. Ma xeta şehîdan û Rayberîye de rexne û xorexneyanê hîna xorin û xurtan kenê. Semedê qesas û vîrameyîşê şehîdan ma her warî de têkoşînê xo yê azadîye zêdêr aver benê. Gerîlayê ma yê çêrî xeta şehîdan de şer kenê, şar û dostê ma xeta şehîdan ra şinê. Şehîdê ma yê 1ê Gulane Karasungurî, Denîzî, Şîrînî, Mizgînî, Çarî, Îbrahîmî, Hakîyî, Halîlî, Êrişî û Andokî nê têkoşînê fîrazî de ciwîyenê û benê alayêke. Embaz Kasim Engîn xelkeyo peyên o bingeyî yê zîncîrê azadîye yo.

Seke zanîyeno Endamê Komîteya Merkezî ya PKKyî Kasim Engîn bombardumanê namerdî yê dîktatorîya faşîste-qirkere ya AKP-MHPyî yê vera Herêmanê Pawitişî yê Medya de 27ê gulana 2020î de şehîd bi û tewrê Kerwanê Şehîdanê Gulane bi. Ma sey Têgêrayîşê Azadîye yê Kurdîstanî û şarê kurdî serrêke ra nata şexsê embaz Kasim Engînî de seba famkerdişê pêro şehîdanê xo û binê fermandarîya înan de seba şerkerdişê bihêzêrî xîret kenê. Ma nê bingeyî ser o resenê raştîya Rayberîye û azadîye boye kenê. Ma nê bingeyî ser o her çî raşt fam kenê. Şehîdê ma her ca de û her wext benê rayber, mamosta, fermandarê ma û çimeyo bingeyî yê hêzê ma.

Embaz Kasim Engîn bi helqayêka tewr bingeyêne ya xeta qehremanîye ya Apogîre ya ke pê Hakîyan dest pêkerde, pê Mazlûm, Kemal, Hayrî û Sarayan dewam kerde û pê Agîd û Zîlanan resaye tîtikî. Ma welatperwerîya raştikêne, şargîrîye, perwerîya bi Rayberîye, jîhatîye, coşê şorişgêrîye, kelecan, enerjîya bêpeyêne, zerrînizmîye, çêrîye û fedakarîye ey ra musenê. O şorişgêrîya ke modernîteya kapîtalîste red kerde, yewîya gerîla û koyî kerde felsefeya xo, şarî reyde welat de bîyayîş xo rê kerd esas, xeta Mazlûmî de tim wend û cigêra, qet yew nêweşîye û zeîfîya fîzîkî şorişgêrîye bahaneya astengîye nêkerde, tim bi çimeyê moral û coşî temsîl keno. O mojneno ke serfîrazî û cuya xeta Rayberîye mumkîn a.

Serrêke ra nata ma şexsê embaz Kasimî de seba qesasê pêro şehîdanê xo şer kenê. Sey têgêrayîş û şar ma pîya Hemleya Wextê Azadîye anê ca. Sere de cinî û ciwanî çar parçeyanê Kurdîstanî û pêro dinya de şarê ma û dostê ma payan ser o yê; kuçe û meydanan kenê pirr û pê qerardarî û coşî sloganê azadîye qîrenê û venga pêro merdimîye dana ke esasê azadîya cinîyan û hişmendîya ekolojîke ser o dinyayêka demokratîke awan bikera.

Gerîlayê ma yê çêrî her hetê Kurdîstanî de derbanê giranan danê AKP-MHPyê faşîst-qirkerî. Heftanînî ra heta Xakûrkê sere de Metîna, Zap û Avaşîn de pêr Herêmanê Pawitişî yê Medya de gerîlayî pê şerê şorişgêrî faşîzmê AKP-MHPyî Kurdîstan  de kenê binê erdî. Gerîlayî çalakîyanê xoverdayîşî Herêmanê Pawitişî yê Medya de resnenê asta tewr berze û Serhedî ra heta Dêrsimî û Mêrdînî her cayê Kurdîstanî ra vila kenê. Çalakîyê xoverdayîşî yê şorişgêrî Çukurova ra heta Îzmîr û Îstanbulî pêro şaristananê metropolan ra vila bîyê. Tewr peyên seke Amed, Êlih û Şirnex de bi gerîlayê ma yê çêrî baregeh û merkezê ci de danê dişmenê qirker-faşîstî ro.

Bi na wesîle sere de çalakîyê Amed, Êlih û Şirnexî ma pêro kesanê ke vera faşîzmê AKP-MHPyî û seba demokrasî şer kenê selam kenê û serfîrazîya înan a tarîxî reyna fîraz kenê. Ma şexsê Fermandarê Mamreşoyî yê bêmêrgî Serhat Giravî de pêro şehîdanê çêran bi minet û rêzdarî yad kenê. Ma do tim rêçê nê şehîdan de ke qesasê embaz Kasim Engînî gênê, bi qerardarî şorê. Ma şerwananê çêran ê HPPG, YJA-Starî, YPS û HBDHyî rê tim serkewtişanê pîlan wazenê.

Aseno ke gonîya şehîdanê ma erdî de nêmanena û qesasê înan qetî yeno girewtene. Hesabê pêro zulm û qirkerdişê faşîstan yeno persayene. Faşîzmê AKP-MHPyî gonîya ke rijnaye de xeniqîyeno. Kerrayê Kurdîstanê Azadî pê têkoşînêkê winasênî yenê neqşkerdene. Peynîya faşîzmê AKP-MHPyî û serfîrazîya şorişê azadîye û demokrasî benê nêzdî.

Nê esasan ser o ma serrgêra yewine ya şehadetê ci de şexsê embaz Kasim Engînî de ey û pêro şehîdanê têkoşînê azadîye ancî bi rêzdarî û minetî yad kenê. Ma venga pêro şarê xo yê welatperwerî, embaz û dostanê xo yê çêran danê ke rêçê şehîdanê ma de têkoşînê azadîye û demokrasî hîna bihêzî aver berê.''