Komîteya Rayberdişî ya PKKyî bi wesîleya serrgêra şehadetê Dîyar Xerîb û Zeynepe Kinaci, şexsê Ferhad Şiblîyî de pêro şehîdî yad kerdî.

Eikerayîya komîte wina ya:

''Ewlado çêr ê şarê ma yê Başûrê Kurdîstanî, Endamê Komîteya Merkezî ya PKKyî û Konseya Serekîya Pêroyî ya KCKyî embaz Helmet (Dîyar Xerîb) 3 serrî verî netîceya hemkarîya dewleta tirke û xayînîye de şehîd bi. Serrgêra hîrêyîne ya şehadetê ci de ma embaz Helmetî bi hûrmet, heskerdiş û minetî yad kenê. Ma do qesasê Helmet û şehîdanê xo yê çêran kiştoxanê faşîst-qirkeran ra bigêrê. Serra çarine de ma do têkoşînê xo yê qesasî xurtêr bikerê û kiştoxanê şarê kurdî ra hesab bipersê.

Embaz Helmetî serranê 90an de estbîyayîş û azadîya kurdan xeta Rayber Apoyî û PKKyî de dîye. Nê esasî ser o o tewrê PKKyî bi û perwerdeyê Rayberîye dî. Dima zî ey çar parçeyanê Kurdîstanî de karî kerdî. Wextêkê dergî ey gerîlatî û fermandarîye kerde. Başûrê Kurdîstanî de serkêşîya karanê sîyasetê demokratîkî kerde. O xeta Apogîre de xorin bi, tewrê karê perwerdeyî yê miilîtanan bi. O bi embazê milîtananê serkêşan ê Başûrî Şehîd Dr. Sîrvan û Şehîde Vîyane.

Embaz Helmet vera Komployê Mîyanneteweyî têgêra û bêteredut bi nê hawayî dewam kerd. Ey pê kesayetê xo yê zerrînizmî wezîfe kerd û pêro erk û mesuldarîyan rê amade bi. O bingeyê vurîyayîşê paradîgma de, refanê tewr verênan de beşdarê karanê newe ra awankerdişê PKKyî bi û têkoşînê vera komployî bi.  Embaz Helmetî tim yewîye û paştdayîşê Kurdîstanî ra bawer kerd. Ey tim têkoşînê vera sîyasetê qirkerî û têkoşînê vera îxanetî pîya ercna. O bi nê hawayî tim vera hemkarîya PDKyî têgêra, pê hişmendî û tewirê xo Başûrê Kurdîstanî de xeta raşte ya azadî û demokratîke temsîl kerde.

Tewirê embaz Helmetî yê vera qirkerdişê dewleta tirke û xayînîya zereyî, her wextî ra zêdêr ewro têkoşînê ma roşnî keno. Nê wextî de ke faşîzmê AKP-MHPyî xîret keno ke waranê stratejîkan ê Başûrî îşxal bikero û PDK zî ci rê beno hemkar, rayîr û tewiro tewr  rast xeta Şehîd Helmetî ya. Coka ganî ma xeta Helmetî raşt fam bikerê û bi nê hawayî serkewtişî bîyarê ca.

Serrgêra hîrêyîne ya şehadetê ci de ma embaz Helmetî nê esasî ser o yad kenê û fam kenê. Ma xîret kenê ke erk û mesuldarîyanê xo nê esasî ser o bîyarê ca. Wa şarê Başûrî, cinî, ciwan, roşnvîr û sîyasetmedarî zî nê esasî fam bikerê û mesuldarîyanê xo bîyarê ca. Ma venga şarê Başûrî, cinî û ciwananê Başûrî danê ke raştîya Şehîd Helmetî hol fam bikerê û vera îşxalê dewleta tirke û xayînîya kurdan bi aktîfî têbigêrê.

30ê Hezîrane Roja Fedayîtîye ya. Embaze Zîlane 26 serrî verî çalakîya xo ya tarîxîye kerde û bîye şehîde. Yanî ma Roja Fedayîtîye ya 26. de ya. Ma sey têgêrayîş û şarî xo xeta fedayîtîye ya Zîlane ser o rêxistin kenê û binê fermandarîya Zîlane de şer kenê. Nika sere de Zap, Avaşîn û Metîna de, ma şerê şarî yê şorişgêrî çar hetanê Kurdîstanî de na xete ser o kenê. Xoverdayîşê ma faşîzmê AKP-MHPyî bin keno. Ma xeta Zîlane ser de xo rêxistin kenê, şer kenê û ser kewenê.

Nê esasî ser o ma serrgêra 26. ya şehadetê ci de embaze Zîlane bi hurmet, heskerdiş û minetî yad kenê; sozê xo yê serkewtişî dibare kenê. Roja Fedayîtîye ya 26. ya şarê xo û dostanê xo fîraz kenê; serra 27. de înan rê serkewtişî wazenê. Sere de cinî û ciwanî ma venga embaz û şarê xo danê ke Raştîya Fedayîye ya Zîlane hol fam bikerê û bi serkewtişî temsîl bikerê.

Ewlado ercîyaye yê şarê Rojawanê Kurdîstanî, serkêş û kedkarê Şorişê Rojawanî, Hetkarê Hemserekanê Meclîsê Rayberdişî yê Îdareyê Xoserî Ferhat Dêrik (Ferhad Şiblî) 17ê nîsane de Başûr de hêrişê namerdî yê dewleta tirke de şehîd bi. Cenazaya ey bi merasîmêkî ameye definkerdene. Sere de kurdî şarê Rojawanî wayîrê Ferhat Dêrikî vejîyayî.

Ferhat Dêrik milîtanêkê şarî yo fedayî bi û ey xeta Zîlane de têkoşînê azadîye kerd. Ey bi her hawayî erkê xo ardî ca û bi kedkar û serkêşê Şorişê Rojawanî yê 19ê Temmuza 2012yî. Ey seba ke şarê Rojawanî xeta neteweya demokratîke de xo rêxistin bikero wezîfeyê xo kerdî. Îdareyê faşîstî yê AKP-MHPyî coka o qetil kerd. Nê hêrişê hêrişanê vera Rayber Apoyî û hêrişanê vera Zap, Metîna û Avaşînî, Mexmûr, Şingal, Efrîn û Serêkanîyê ra cîya nîyê.

Dişmenî vatêne qet pê qetilkerdişê Ferhat Dêrikî eşkeno verê Şorişê Rojawanî bigêro û şaranê Rojawanî bitersno.La merasîmê cenazaya ey de eşkera bi ke dewlete hesabêko şaş kerdo. Şarê Rojawanî do tewirê xo xurtêr bikerê, awankerdişê neteweya demokratîke û pawitişê Rojawanî aver berê, qesasê Ferhat Dêrikî bigêrê. Nê esasî ser o ma Ferhat Dêrikî bi rêzdarî û minetî yad kenê.

Hêzê ma yê gerîlayan çar hetanê Kurdîstanî de, bi taybetî Zap, Avaşîn û Metîna de derbanê giranan danê AKP-MHPyî ro. Hêzanê ma yê HPG û YJA-Starî menga fedayîtîye ya hezîrane de xoverdayîşo şorişgêr resna asta tewr berze. Faşîzmê AKP-MHPyî ne pê destekê NATOyî û PDKyî eşkeno bixeliso ne zî eşjeno sûcanê şerî ra xo bixelisno. Werxelê ra heta Kurojahro, Çîyareşî ra heta Girê Cûdîyî, Girê FMyî ra heta Girê Hekarî  gerîlayî bi çêrî danê piro û faşîzmê AKP-MHPyî Kurdîstan de kenê binê erdî.

Sere de Zap, Metîna û Avaşîn de xoverdayîşê gerîlayan her warî de xeta fedayîye ya Zîlane de yeno kerdene. Eşkera bi ke gerîlayî do bin nêkewê û tim serkêşîye bikerê. Çar gerîlayan Şehîd Berxwedan de vera teknîk û çeka kîmyewîye têkoşîn kerd û peynî de bi çalakîyêka fedayîye bi rengê Zîlane derbê kiştişî dayî dişmenî ro û şehîd bîyî.

Nê esasî ser o ma reyna gerîlayanê HPG û YJA-Starî fîraz kenê ke faşîzmê AKP-MHPyî Zap de kenê binê erdî û hêvî kenê ke serkewtişê înan do dewam bikero. Şexsê fedayîyanê çeperanê şerî yê Şehîd Berxwedanî Bager Gever, Avzem Çiya, Arîn Kobanê û Şerzan Hingirvan de û şexsê şehîdanê çêran ê Zap, Metîna û Avaşînî de ma pêro şehîdan bi heskerdiş, minet û hûrmetî yad kenê. Sere de cinî û ciwanî ma venga şarê xo dnaê ke dormeyê xoverdayîşê gerîlayan de bêrê pêser û hemleya ma ya pancine her warî de bi xurtî bikerê.''