Komîteya Merkezî ya PKKyî vat: "Ma şehîdanê xo yê menga teşrîna peyêne bi rêz û hûrmetî yad kenê û venga şarê xo danê ke şehîdanê ma yê çêran rast û xurt fam bikê."

Beyanatê Komîteya Merkezî ya PKKyî wina yo:

"Tevgêrayîşê ma  kewt menga bîne teşrîna peyêne ya ke ma birra rêxistinbîyayîşî û xoverdayîşî daye. Na bena teşrîna peyêna 42. û serrgêra 41. ya ronayîşê PKKyî. Nika ra çar parçeyê Kurdîstanî de û zaf şaristananê dinya de serrgêra 41. a PKKyî yena fîrazkerdene. Nê esasî ser o sere de ê Rayber Apoyî ma roşanê partîye fîraz kenê. Sere de cinî û ciwanan ma venga şar û dostanê xo danê ke her cayî de 27ê teşrîna peyêne  ya Roşanê Ganîbîyayîşê Neteweyî fîraz bikê.

Tarîxê têkoşînê yê 41 serran de PKKyî her serre bi seyan û hezaran şehîdî dayî. Hakî Karerî ra heta şehîd Helmet, Şevîne, Demhat, Cemîlan 41 serran de zaf şehîdê ercayeyî dayî û menga teşrîna peyêne de zî milîtan û fermandarê rayberî sey Delale Amed, Azê Malazgîrt, Reşît Serdar û Kerîm Katoyî şehîdî dayî. Bi wesîleyê serrgêra milîtanan ê rayberan ê PKKyî, fermandaranê pîlan ê HPGyî û YJA-Starî, îdarekaranê sekewteyan ê hemleya ma ya şerê şorişgêrî embaz  Delale, Azê, Reşît û Kerîmî şexsê înan de pêro şehîdanê menga teşrîna peyêne ma bi rêz û hûrmetî yad kenê.

Rojawanê Kurdîstanî de 9ê teşrîna verêne ra nata destanêkê azadîye û xoverdayîşî yeno nuştene. Bi nê wesîleyî ma Xoverdayîşê Rûmetî selam kenê. Ma do ser bikewê. Ma şexsê şehîd Serxwebûn Bengînî de pêro şehîdanê xo yê çêran yad kenê.

Ma şexsê Aynure Ada de pêro şehîdanê HBDHyî bi rêz û hûrmetî yad kenê . Embaze Aynure rayîrê rayberanê xo Ulaş Bayraktarogluyî û Ulaş Adaliyî ser o şîye û bîye şorişgêrêka çêre.Ma venga şarê xo, şaran û hêzanê şorişgêran danê ke bi hawayêkê xurtêrî wayîrê xoverdayîşê azadîye û rûmetî bivejîyê.''