Komîteya Rayberdişî ya PKKyî bi semedê pîrozkerdişê xoverdayîşê HPG û YJA Starî mesajêk şawit û nê vatî:

''Ma prosesê krîtîkî ra ravêrenê. Kurdîstan de gerîlayî 38 serrî yo semedê pawitişê erd û şarê xo têkoşînê bêhempa kenê. Xeyrê têkoşînê gerîlayan HPG û YJA Starî kurdan zaf çî fînayî dest. Gerîlayê Azadîye yê Kurdîstanî bi hemleyanê cîya cîyayan ewro vera dişmenî şer kenê û tira hesab persenê. Zap, Avaşîn, Metîna û Xakurkê ke gerîlayî derbanê girdan danê dişmenî ro. Reyna hêrsê xo yê vera xayînanê ke dewaya estbîyayîşê kurdan roşenê dişmenî zî pê çalakîyan ramojnenê.

Îşxalkeran hêrişê qirkerdişî yê vera kurdan kiriştê merheleya newîye.  Goreyê nê badê îşxalê Başûrê Kurdîstanî, çînkerdişê Rojawanî yeno hedefkerdene. Heta ke hêzê HPG û YJA Starî bibê ê nêeşkenê nê waştişê xo bîyarî ca. Coka hêrişê vera gerîlayan zêdînayî. 17ê nîsane ra nata vera nê hêrişan xoverdayîşo bêhempa yeno dayene. Gerîlayan derba mergî da dişmenî ro û destûr nêda aver şiro. Hemrayê ma yê ke nê xoverdayîşê bêhempa de şehîd bîyî ma înan bi hurmet yad kenê.

Zap, Avaşîn û Metîna de heta inkey xeta şerê şarî yê şorişgêrî de serkewtîye yena caardene. Dewleta tirke her hetî  ra tengayî ancena. Seba ke şerê qirkerdîşî ke dayo destpêkerdene sey waştişê ci aver nêşino îdareyê Tirkîya ameyo nuqtaya îflasî. Qewimîyayîşê 50 rojanê peyênan ê şerê ma yê pîlî yê azadîye mojnenê ke 15ê Tebaxa 1984î ra heta roja ma xeta ma ya şerî senî resaya merheleya berze.  Hema heme her roje bi desan leşker û çeteyê îşxalkerî yenê kiştene.

Hêzanê ma yê HPG û YJA Starî seba ke dişmenî pay nayo Kurdîstanî o pîman kero. Coka ma sey îdareyê PKKyî semedê çalakîyanê serkewteyan hemrayanê xo pîroz kenê. Bitaybetî çalakîya peyên a Girê Cûdîyî derba pîle daye dişmenî ro. Ma fermandar û şerwananê na çalakîye pîroz kenê. Hemrayanê ma hêna mojna ke gerîlatîye her çax û mekan de semedê şaranê bindestan terzê serkewtîşî yo. Hemrayê ma têdima çalakîyanê serkewteyan kenê û plananê qirkerdişî yê dewleta tirke betal kenê. Ma hemrayanê xo pîroz kenê û înan rê serekwtiş wazenê û şarê xo dostanê xo ra zî wazenê ke wa xeta gerîlayan de têkoşîn bikerê.''