Hemşaredarê Amedî Selçuk Mizrakli yo ke wezîfe ra ame girewtene û herinda ci de qeyûm ame wezîfedarkerdene, ci rê cezaya zîndanî ya 9 serr û 4 meng û 15 rojan ameye dayene. Platformê Kede û Demokrasîyî yê Amedî derheqê babete de bînaya Egitim-Senî yê Amedî de eşkerayîyêke daye.

Hemserekê Egitim-Senî yê Amedî Sadrettîn Kayayî îfade kerd ke qeyûm vera dewleta huqûqî yo, vera heqê weçînayîşî hêriş o. Kayayî ard ziwan ke tepiştişê Mizrakliyî û ê hemşaredaran ê bînan yena manaya redê îradeyê şarî yo. Kayayî vat: ''Vînayîşo hempar ê avûkatanê heqanê merdiman û huqûqnasan no yo ke bi hawayêkê nêhuqûqî Selçuk Mizrakli rê ceza ameye dayene.''

Eşkerayîye de nameyê rêxistinanê kede, karî, demokratîkan û girseyan ser o veng ame dayene ke peynîya tedayan ê giranan û cezakerdişan bêra ardene, bêro agêrene caardişê dewleta huqûqî, îdîayê bêhuqûqî yê vera Mizrakliyî bêrê batalkerdene, Mizrakli cade bêro veradayene û abigêro karê xo.