Ciwano ke bi otobusa Amedî raywanîye kerdêne nuqtaya kontrolî ya dekewtişê Dîlokî de hetê polîsan ra wesayîtî ra ame vetene û raştê îşkenceyî ame. Dîmenê nê îşkenceyî medyaya sosyale de vila bîyî.

Dîmenan de yeno dîyayene ke bizor serê ey yeno cigêrayene. Ciwano ke serê ci de çîyêk nêvejîyeno vera tewirê polîsan nêrazîbîyayîş ramojneno. Naye ser o bizor otobuse rê yeno niştene. Seba ke ciwan vera naye vejîyano polîsî ey wesayîtî ra fînenî dûrî û dest şanenê qirrika ci û erzenî erd. Dorme ra raywanê bînî nêrazîbîyayîş ramojnenê.

Vîdeo de derheqê tarîxê qewimîyayîşî û nasnameyê ciwanî de zanayîş nîno dayene.