Polîsanê Tirkî bi sebebê qerarê qedexe yê çalakîyan ê walîtîye vizêr û perey nêverdê ke çalakîya Nobeta Demokrasîyî ya verba qeyûmî bêra viraştene. Ewro wexto ke Cehdeyê Lîseyî de ame waştene ke çalakîye bêra viraştene polîsanê Tirkî reyna heman sebebî ra çalakîye asteng kerde.

Wekîlê HDP'yî Feleknas Uca, Salîha Aydenîze û Mûsa Farisogullari wextêko derg mabênê polîsan de mendî. Wekîlî musayê ke 26 kesê ke vizêr bînaya HDP'yî de amebî destbendkerdene, do bêrê berdene bi Edlîye, waşt ke şorê Edlîye. Polîsan nêverde ke wekîlî şorê adlîye û wekîla HDP'yî Salîha Aydenîze derb kerde.