Qezaya Qoserî ya Mêrdînî de 28'ê Tebaxa 2015'î  de Mazlûm Tûrano 16 serre, semedo ke goş nêda vengdayîşê "Vinde" hetê polîsê bi nameyê Suleyman Esenbogayî ra ame qetilkerdene. Dewaya Tûranî ewro Mehkemeya Cezaya Girane ya 1'îna Mêrdînî ameya dîyene.

Avûkatê Tûranî Îzahatê xo de vat: "Mazlûm kortika xo ra gule werdo. Naye ra sucdarî o xo rê kerdo hedef û gule eşto ci."

Dozgerî îzahatê, "caardişê fermanê qanûnî nêyeno cezakerdene"yê TCK 24/1 ard vîrî û waşt ke qerar bêro wedartene ke nêşkero ceza bêra dayene. Qerar ame dayene ke waştişê tepiştişê polîso kiştox Suleyman Esenbogayî bêro redkerdene û mehkemeya bîne do 18'ê Teşrîna Verêne de bêra kerdene.