Semedê rojnamegeran Cîhane Bîlgîn û Nazim Daştan ê ke serê rayîrê Sirrînî de hetê droneyê çekdarî yê dewleta tirke ra ameyî qetilkerdene, şervana YPJyî Tulaye Mihemed (Avzem Çiya) ya ke xoverdayîşê Tişrînî de şehîde bîye û endamê Hêzanê Komandosî Bîlal Ibrahîm (Diyar Qamişlo) û Luqman El Xemîs (Şam Qamişlo) Şehîdgehê Şehîd Delîl Sarûxanî yê Qamişloyî de bi tewrbîyayîşê bi hezaran kesan merasîmê raştkerdişî ame kerdene.

Endamê Meclîsê Keyeyanê Şehîdan ê Kantonê Cîzre Şemsîxan Gulo ke merasîm de qisey kerd, vat: ''Fîkrê Rayber Abdullah Ocalanî, bi xoverdayîşê qehremanan, Şerê Şarê Şorişgêrî, hêzanê leşkerî yê şarî û paştayîşê înan netîceyanê xo danê. Ma ewro şehîdanê xo kenê raşt ke semedê erdê xo xover da û raştîya şorişê şaran heme dinya rê da eşnawitene.''

Xebetkaranê ANHA ra Ekrem Berekatî zî bi nameyê Yewîya Çapemenîya Azade (YRA) qisey kerd. Berekatî ard ziwan ke şarê Rojawanî 14 serrî yo bi şehîdan û bedelanê girdan erjanê komelê azad û demokratîkî pawenê û vat: ''YRA seba ke vengê şorişê dinya rê bido eşnawitene şehîdî dayî. Ma soz danê ke  ma do xebatê înan bidê domnayene, bi qelem û kamaraya înan şorişê şaran dinya rê bidê eşnawitene.''

Badê qiseykerdişan belgeyê şehîdan ameyî wendene û teslîmê keyeyanê înan bîyî.

Cenazayê Şervananê azadîye Avzeme Ciya, Diyar Qamişlo û Şam Qamişlo Şehîdgehê Şehîd Delîl Sarûxanî de ameyî definkerdene.

Cenazayê rojnamegeran Cîhane Bîlgîn û Nazim Daştanî waştişê keyeyanê înan ser do bişawîyê Vakurê Kurîdstanî.