Şarê Kobanê bi eşkerayîya çapemenîye paştdayîşê Vakurkê Kurdîstanî yê seba Rojawanî selam kerd. Eşkerayîye de nê ameyî vatene:

''Kobanê reyna qederê ma bewlî kena. Kobanê ke xoverdayîş heme dinya rê da nasayene bi yewîya heme Kurdîstanî xoverdayîşê xo girdêr kerd. Kobanê bîye yewîya heme merdimîye û na yewîye hêzê terorî bin fînayî û veng da dinya.

Şehîdgehê Şehîd Dîcle de nasnameyanê cîyayan ra bi seyan kurdîstanijî est ê. Muzeyê şehîdan de Dîlok, Amed, Pirsûs, Semsûr, Mahabad, Hewlêr, Silêmanî û heme bajaranê Kurdîstanî ra fotografê şehîdane est ê. Nê şehîdan şexsê Kobanê de yewîye afirnaye. Şexsê nê qehremanan de yewîya şarê Kurdîstanî ameye caardene.

Ma sey şarê Kobanê xoverdayîşê şarê Vakurî selam kenê û înan zerrî ra pîroz kenê.  Şarê Vakurî û DEM Partî bi xoverdayîşê xo bîyî roşnê Kurdîstanî. Bi tewirê şarê Vakurî hinî serkewtiş qetî yo. Ma nika prosesêkê zaf hesas de yê. Ganî ma pîya bi têkoşînê hemparî nê krîzan xo dima biverdê.

Senî ke ma 26ê çeleyê 20215î de ser kewtî, bi paştdayîşê Kobanê ma eşkenê reyna heme Kurdîstan de ser bikewê. Ma şarê xo yê Vakurî selam kenê. Ma do bi tewirê înan ke badê vengdayîşê seferberîye verê xo da Kobanê û serkewtiş garantî kerd, reyna ser bikewê.  Roje roja serkewtişî ya.''

Eşkerayîya çapemenîye bi slogananê “Bijî Berxwedana Gelê Kurd” û “Bijî Berxwedana Rojava” qedîyaye.