Merkezê Îrtîbatî û Çapemenîye yê QSDyî serkewtişo vizêrîn dîyarîya şarî kerde ke vizêr başûrê Minbicî û vakurê Awbendê Tişrînî de bi desan çeteyî ameybî kiştene û bi desan wesayît û wesayîtê zirxînî ameybî îmhakerdene.
Merkezê Îrtîbatî û Çapemenîye yê QSDyî vizêr bi eşkerayîyêke da zanayene ke hêrişê dewleta tirke û çeteyanê ci yê vera başûrê Minbicî û vakurê Awbendê Tişrînî ameyê şiknayene.
Merkezî pare kerd ke netîceya cewabdayîşê şerwanan de bi desan çeteyî ameyî kiştene û bi desan wesayît û wesayîtê zirxînî ameyî îmhakerdene.
Merkezî dîyar kerd ke detay û dîmenê nê serkewtişî do dima bêrê parekerdene û vat: ''Hêzanê ma derbê giranî dayî dewleta tirke ya îşxalkere û çeteyanê ci ro. Ma nê serkewtişî dîyarîya şarê xo kenê û sozê serkewtişanê hîna pîlan danê.''
