Rayberê Şarê Kurdî Abdullah Ocalan zafaneyê analîzanê xo bingeyê azadîya cinîyan ser o keno û ercnayîşêkê xo de vano, “Afernayîşê cinîya azade, welat û serkewtişî ra hîna muhîm o. Azadîya cinîyan azadîya cimatî ya.”

Gerîlayanê YJA Starî ra Bêrîtan Zinar a ke mîyanê refê têkoşînê azadîye de şehîd bîye, rojnuşteyê xo de seba Rayberê Şarê Kurdî Abdullah Ocalanî wina vana:

RAYBER APO SOND Û QERARÊ HEYFÎ YO

“Nika zerrîya mi wazena cayê xo ra bivejiya û serê dîyaranê Cîloyî de fir bida, tepîya zî serê vilikanê Çarçêlayî de bivinda. Wazena şora Îmraliyî, tewr zêde zî wazena rîyê rojî yo ke cuye dano bivîna. O dem cayê hesrete de do vayê Nergîzan boye bido zerrîya min a ke bi hesrete pir a de.

14 serrî derbaz bî. Winî wextêk derg o ke sey deryayêk o herekîyeno. Wina fikirêna ke do nê serrî zaf cîya bê. Hende manaya a cuya muhîme. Mi seba na serre qerarê muhîmî girewtî. Bi wesîleya na roje wazena bi tewirêk aktîf tewrê hemleya newî biba. Wa no bibo sondê mi û ez do bi şerê xo wayîrê sondî biveja.

Rayber zî vano, ‘Cuye wexto ke merdim şi ser dest pêkena. ‘Ez sîstemo ke Rayberîye ma ma ra qut kerd, a roja 15’ê Sibate ya ke lanetbîyaye ya yena vîrê mi, ci ra xuye kena. Soz dana ke heyfê ma, vînayîşê Rayberî, afernayîşê cuyêka azade bo. Ya ma do Rayberî rê cuyêka azade biafernê ya zî ê mergî yo ke bi rûmet o ke heyf heme kanperestîyan ra gêno bikerê xo ver. Ez bi bawer a û her demî ra hîna zêde bihêvî ya. Hesreta ke mabênê ma û Rayberî de ya, a demêko kilm de biqedîya..”