Seba awankerdişê cuyêka demokratîke ganî bedel bêro dayene, coka serkewtiş bi xoverrodayîşî mimkun o. Seba naye Rayberê Şarî Kurdî Abdullah Ocalan wina vano, "Cuya merdimî key azad biba manayêka xo esta, nêbo kotî beno wa bibo, o ca her tim zîndanêko tarî yo.”

Rayberê Şarî Kurdî Abdullah Ocalan qelema şehîd Dunya Nehîre de wina ca gêno, “Hîs kena ke zerrîya mi de serewedaritişêko gird esto.”

Gerîlayanê YJA Starî ra Dunya Nehîr a ke Efrîn de roja girewtişê Rayberê Şarî Kurdî Abdullah Ocalanî de ameya dinya û zereyê têkoşînê azadîye de şehîd bîye, rojnuşteyê xo de wina vana:

“Tarîxê dinyaameyîşê mi û tarîxo ke merdimo zerrîgird o ke mîlyonan rê bîyo hêvî, esîrkewtişê ci yê destê serdestan rastê eynî roje  yeno. Vera na roje, yan zî vera na komploya bilanete bi seyan ezeb û xortê şarê mi bi amancê protestokerdişê na roje adir verda leşa xo, xo feda kerd. Bi adir cewab da hêzanê komplogeran. Mûsna ke êyê ke biwazê destê xo derg bi roja ma bikerê ma do bi adirê canê xo destê înan biveşnê. Seba naye, hemeyan zî bi slogana ‘Şima nêeşkenê Rojê ma tarî bikerê’ bîyî raywanê rojî. Rayber Apoyî rê bîyî pawitoxê tewr rastikênî. Hemeyan pîya bi yew vengî vat, “Werrekna canê ma ra hîna zêde çîyêk bibîyêne ma feda bikerdêne.” No yo seba rojbîyayîşê mi hîrê rojî mendî. Reyna roja 15’ê Sibate rê hîrê rojî mendî. No semed ra hîs kena ke zerrîya mi de serewedaritişêko gird esto… nê vîstikan de zerrîya mi teyna zingeneyêk heşneno… Waxto ke vatiş qedîya, êdî dem demê çalakî yo.