Cuye bi xeyalanê girdan bena ercnaye û resena amancêko gird ê estbîyayîşî. Seba heqîqetê cuye zî Rayberê Şarê Kurdî Abdullah Ocalan wina vano, “Cuye bi resayîşê heqîqetî bena girde, dejê tewr girdî zî eşkenê bivurîyayê şayî û bextewarîye."

Gerîlaya YJA Starî Şehîd Nûpelda Dilvîne defterê xo de seba Rayber Apoyî wina vana: “Ti tena Rayberê şarê Kurdî nêyî, ti Rayberê merdimîye yî, no semed ra dişmen cehd keno ke roşnîya to ma ra qut bikero.”

“Seba Rayberê Merdimîye,

Her 15’ê Sibate de vera dişmenî zerrîya mi de hêrsêko gird virazîyeno. Gelo şar senî bê Rayberîye keno? Gelo dişmen eşkeno şarê mi bê Rayberîye biverdo. Nêeşkeno! Seba ke welatêko Roj tede nêerzeno, nêeşkena biciwîyî. Serekê mi; xeyalê min o tewr gird, teyna rojêk ba zî dîyayîşê to û goşdarîkerdişê  ercnayenanê to yo. Ez cuyêka azade ra gêrena, seba naye zî ko îmkanêko tewr gird û bierc o. Weşîbîyayîşê Kurdistanî nîşanê nê yewî yo. Resayîşê rastîya cinîyan bi şinasnayîşê to reyde aver şi, no semed ra seba serkewtişê dewaya xo ganî têkoşînêko tewr xurt ray ra biberê. Bê mabên azadîye ra gêrena. Wazena biba mîlçikêk û to reyde biresa bêpeynîyîye. Astareyê ke der û dorê roşnîya Rojî de kom bîyê seke govendê gênê û ê bê hûmar ê. Ti teyna Rayberî şarê Kurdî nêyî, ti Rayberê merdimîye yî. No semed ra dişmen cehd keno ke roşnîye to ma ra qut bikero labelê tu cara ê do ser nêkewenê. Ewro bi mîlyonan kesî seba azadîya to zereyê xoverrodayîşî de yê ke pêvînayîşê bêpeynî to reyde bêrê kerdene, coka bê to qet manaya cuye nêbena. Cuye bi estbîyayîşê to bena wayîrê manaye. Teyna vateyêk zerrî û hişan de qîreyeno, ‘Bê Rayberî cuye nêbena’.”