Başûrê Kurdîstanî  û parçeyanê bînan ra bi hezaran kesî serê sibayî verê xo da warê Newroze yê Binarê Qendîlî. Şayîye 11.00 de pê deqayêkê rêzgirewtişî dest pêkerde.

Adirê Newroze hetê keyeyanê şehîdan ra ame tavistene. Dima qiseykerdişanê Rayberê Şarê Kurdî Abdullah Ocalanî ra sînevîzyonêk ame mojnayene.

Pawîyeno ke mesajê KCK, KJK, Têgêrayîşê Azadî, RJAK, Konseya Şarî ya Binarê Qendîlî û Mihemed Emîn Pêncîwenî bêrê wendene. Hunermend Nasir Rezazî, Çopî Fetah, Diyar Dersim, Bextiyar Salih, Şîlan Osman û Koma Şehîd Serhed û Koma Destîna Qendîlê do vejîyê sehne ser. Şayîye heta şanî do dewam bikera.

Şayîye de kitabê rojnameger Hesen Cudîyî yê serê Endama Konseya Rayberdişî ya KCKyî Dîyar Xerîbî ame vilakerdene. Warê şayîye de kitabê Rayberê Şarê Kurdî Abdullah Ocalanî zî yenê vilakerdene.