Dewa Kaskanî ya Binarê Qendîlî de, vizêr şan bi wesîleya serrgêra 39. ya Hemleya 15ê Tebaxe şayîyêke ameye kerdene.

Hemşaredara Binarê Qendîlî Serwîne Celal şayîye ra verî qisey kerd û vat: ''Şehîd Egîdî vera dewleta tirke ya îşxalkere guleyo verên eşt û şorişê kurdan vist safhayêka newîye. Adirê ê guleyê verênî hema zî vêşeno.''

Celale vat: ''Ewro kurdî çar parçeyanê Kurdîstanî de bi ruhê 15ê Tebaxe verê îşxalî gênê. Heta ke xeyalanê şehîdan bîyarê ca û Kurdîstanî azad bikerê ma do xeta înan de têkoşîn bikerê.''

Nameyê Ciwananê Welatperweran ser o Ramîn Ahmedî vat: ''Ma do sey ciwananê Qendîlî têkoşînî rê dewam bikerê.''

Şayîye de vera sloganê sey Bijî Rêber Apo’ ve ‘Jin, Jiyan Azadî’ ameyî vatene û şarî govende girewte.