Gerîlayê HPGyî Rêzan Botan (Rêzan Gungen) û Bawer Botan (Bekir Kina) yê ke 6ê tebaxa 2023yî de hêrişê artêşa tirke yê vera Herêmanê Pawitişî yê Medya de şehîd bîyî,  Şehîdgehê Mehmet Karasungurî yê Qendilî bi merasîmêkî  ameyî definkerdene.

Merasîmî bi rêzgirewtişî dest pêkerd. Sultane Yildizatana ke bi nameyê Dezgehê Keyeyanê Şehîdan ê Mexmûrî qisey kerd, keyeyanê wird şehîdan û heme şarê kurdî rê serweşîye waşte û vat: ''Şarê kurdî binê hêrişî girdî de yo. Mîyanê şehîdanê ma de her netewe ra şehîdî est ê. No serkewtişê felsefeya Rayber Ocalanî mojneno ma.  Ma do sey keyeyanê şehîdan tim rêça înan de rayra şirê. Serkewtiş do bibo yê gerîlayan.''

Endamê Heyetê Rayberdişî yê Tevgara Azadî Xalîd Muhamedî zî Rayberê Şarê Kurdî Abdullah Ocalan û heme keyeyanê şehîdan rê serweşîye waşte û vat: ''Dişmen seba ke ma welatperwer ê hêrişê ma keno. Wa sereyê heme şarê kurdî û keyeyanê înan ê erjîyayeyan weş bo.''

Badê qiseykerdişan wird şehîdî bi slogananê  ‘Şehîd Namirin’ û ‘Bijî Serok Apo’ ameyî definkerdene.